ສປ ຈີນ ເລັ່ງອະນຸລັກນ້ຳ-ປ້ອງກັນດິນເຈື່ອນ ຊຸກຍູ້ລະບົບນິເວດຍຸກໃໝ່
January 6, 2023 - 2:25 PM
ສຳນັກຂ່າວຕ່າງປະເທດລາຍງານວ່າ: ສປ ຈີນ ຈະເສີມສ້າງການອະນຸລັກນ້ຳ ແລະ ປ້ອງກັນດິນເຈື່ອນເພື່ອຊຸກຍູ້ ການສ້າງລະບົບນິເວດໃນຍຸກໃໝ່ພ້ອມທັງໃຫ້ຄວາມກະຈ່າງແຈ້ງກ່ຽວກັບເປົ້າໝາຍສ້າງຄວາມເຂັ້ມແຂງ ໃຫ້ແກ່ ການອະນຸລັກນ້ຳ ແລະ ດິນ ໃນປີ 2025 ແລະ 2035. ຮອດປີ 2025, ຈີນ ຈະຕັ້ງເປົ້າໝາຍປັບປຸງກົນໄກ ແລະ ລະບົບ ສະຖາບັນການອະນຸລັກດິນ ແລະ ນ້ຳ ເພີ່ມປະສິດທິພາບການຄຸ້ມຄອງ ແລະ ຄວບຄຸມການເຊາະເຈື່ອນ ຂອງດິນທີ່ເກີດຈາກກິດຈະກຳຂອງມະນຸດ ໃນຂົງເຂດສຳຄັນໂດຍ 73% ຂອງຊາຍແດນ ຂອງສປ ຈີນ ຈະບໍ່ມີ ການເຊາະເຈື່ອນຂອງດິນ ໃນໄລຍະເວລາ ດັ່ງກ່າວ. ສຳລັບ ພາຍໃນ 2035, ຈີນ ຈະກໍ່ສ້າງລະບົບອະນຸລັກນ້ຳ ແລະ ດິນ ຢ່າງເປັນລະບົບ, ກົມກຽວກັນ ແລະ ມີປະສິດທິຜົນ.ພ້ອມເດີນໜ້າຄວບຄຸມການເຊາະເຈື່ອນ ຂອງດິນທີ່ເກີດຈາກ ຝີມືຂອງມະນຸດ ຢ່າງເຕັມກຳລັງ. ສຳລັບ ການຄຸ້ມຄອງການເຊາະເຈື່ອນຂອງດິນ ບໍລິເວນ ພື້ນທີ່ ສຳຄັນກວມເອົາ 75% ຂອງເຂດແດນ ທັງໝົດ ພາຍໃນໄລຍະເວລາ ທີ່ກຳນົດໄວ້
