FA ຕັ້ງຂໍ້ຫາ ອີວານ ໂທນີ່ ກອງໜ້າໂຕເກັ່ງ ເບຣນຟອດ ຈາກຄະດີລົງພະນັນບານ 232 ຄັ້ງ
November 17, 2022 - 11:30 AM
ສະມາຄົມບານເຕະອັງກິດ (FA) ໄດ້ຕັ້ງຂໍ້ຫາ ອີວານ ໂທນີ່ ກອງໜ້າໂຕເກັ່ງຂອງ ເບຣນຟອດ ໂດຍມີຂໍ້ຫາມີສ່ວນກ່ຽວຂ້ອງກັບການພະນັນບານເຕະຕັ້ງແຕ່ປີ 2017-2021.
ລາຍງານຂອງ FA ເປີດເຜີຍວ່າ ໂທນີ່ ອາຍຸ 26 ປີ ມີຄວາມຜິດຕັ້ງແຕ່ວັນທີ 25 ກຸມພາ 2017 ຫາ 23 ມັງກອນ 2021 ໂດຍຖືກພົບເຫັນວ່າມີສ່ວນກ່ຽວຂ້ອງກັບການຫລິ້ນການພະນັນບານເຕະ 232 ຄັ້ງ ໃນຊ່ວງເວລາດັ່ງກ່າວ
ດ້ານຝ່າຍຂອງ ໂທນີ່ ມີເວລາເຂົ້າຮັບຂໍ້ກ່າວຫາຈົນຮອດວັນພະຫັດທີ 17 ພະຈິກ ເພື່ອຟັງການກ່າວຫາ. ຫລັງຈາກນີ້ FA ຈະພິຈາລະນາການລົງໂທດໃນພາຍຫລັງ ໂດຍຂັ້ນຕົ້ນໜ້າຈະຖືກຫ້າມບໍ່ໃຫ້ລົງຫລີ້ນກັບສະໂມສອນໃນຊົ່ວໄລຍະຫນຶ່ງ
ສ່ວນທາງ ເບຣນຟອດ ໄດ້ອອກຖະແຫລງການໂດຍກ່າວວ່າ “ພວກເຮົາຢູ່ໃນການປືກສາຫາລືກັບ ອີວານ ແລະ ຜູ້ຕາງຫນ້າທາງດ້ານກົດຫມາຍຂອງລາວ. ແລະ ພວກເຮົາຈະບໍ່ສະແດງຄວາມຄິດເຫັນໃດໆ ໃນເລື່ອງນີ້ຈົນກວ່າການສືບສວນຈະສຳເລັດ.”
