ອົດລຸຍບານໂລກ! ໄລຊິກ ຢືນຢັນ ຕີໂມ ແວເນີ ພັກຈົນຈົບລະດູການນີ້
November 4, 2022 - 4:00 PM
ໄລຊິກ ຢືນຢັນວ່າກອງຫນ້າໂຕເກັ່ງຈະຕ້ອງພັກຈົນຈົບປີ 2022, ເຮັດໃຫ້ໝົດສິດຕິດທັບອິນຊີເຫລັກໄປລຸຍບານໂລກແນ່ນອນແລ້ວ
ຫົວຫອກ ອິນຊີເຫລັກ ໄດ້ຮັບບາດເຈັບບໍລິເວນຂໍ້ຕີນມາຈາກເກມ ຢຸຟ່າ ແຊ້ມປຽນລີກ ກັບ ຊາກຕ້າ ໂດເນດ ເມື່ອກາງອາທິດຜ່ານມາ ເຊິ່ງທາງຕົ້ນສັງກັດຢືນຢັນແລ້ວວ່າລາວຈະພາດລົງສະໜາມຊ່ວຍທີມຕະຫລອດປີ 2022 ຢ່າງແນ່ນອນ
“ຕີໂມ ແວເນີ ໄດ້ຮັບບາດເຈັບຂໍ້ຕີນໃນການແຂ່ງຂັນກັບ ຊາກຕ້າ ໂດເນດ, ຜົນການສະແກນສະແດງໃຫ້ເຫັນວ່າເສັ້ນເອັນຂອງລາວຊີກຂາດ ແລະ ຕ້ອງພັກຮັກສາໂຕໃນຊ່ວງທີ່ເຫລືອຂອງປີ 2022” ໄລຊິກ ຖະແຫລງການ
ທາງດ້ານ ຮັນຊີ່ ຟຣິກ ຫົວໜ້າຄູຝຶກຂອງທີມຊາດເຢຍລະມັນ ຍອມຮັບວ່າການຂາດ ແວເນີ ໃນການແຂ່ງຂັນບານໂລກ 2022 ເປັນເລື່ອງເສຍຫາຍຢ່າງໜັກ”.
