ບໍລິສັດທາງລົດໄຟ ລາວ-ຈີນຈະເລີ່ມໃຫ້ບໍລິການຝາກລົດທັງເວັນ-ຄືນ ເລີ່ມ 12 ກັນຍາ 2022 ນີ້
ບໍລິສັດລົດໄຟລາວ-ຈີນ ແຈ້ງໃຫ້ຊາບວ່າ: ວັນທີ 30 ສິງຫາ 2022 ຜ່ານມານີ້ພະແນກການທີ່ກ່ຽວຂ້ອງຂອງນະຄອນຫຼວງວຽງຈັນ ໄດ້ຈັດກອງປະຊຸມກ່ຽວກັບມາດຕະຖານລາຄາຄ່າຝາກລົດ, ທັງຊົ່ວຄາວ ແລະ ຄ້າງຄືນຢູ່ໜ້າສະຖານີລົດໄຟນະຄອນຫຼວງວຽງຈັນ ເພື່ອຮັກສາຄວາມປອດໄພຍານພາຫະນະທີ່ມາຈອດຢູ່ໜ້າສະຖານີ ຂອງຜູ້ໂດຍສານ ແລະ ຍາດຕິພີ່ນ້ອງທີ່ມາຮັບ-ສົ່ງ.
ໂດຍຈະເລີ່ມແຕ່ວັນທີ 12 ເດືອນກັນຍາ 2022 ເປັນຕົ້ນໄປ ຈະເລີ່ມທົດລອງການເກັບຄ່າຈອດຍານພາຫະນະຄື:
– ລົດຈັກ 5. 000 ກີບ/ຄັ້ງ,
– ພາຫະນະທົ່ວໄປ (ບໍ່ເກີນ 7 ບ່ອນນັ່ງ) 10.000 ກີບ/ຄັ້ງ,
– ລົດເມຂະໜາດກາງ ແລະ ຂະໜາດໃຫຍ່ 30.000 ກີບ/ຄັ້ງ.
– ສຳລັບລົດທີ່ຈອດຄ້າງຄືນ (ບໍ່ວ່າຈະເປັນລົດປະເພດໃດ) ແມ່ນ 80.000 ກີບ/ຄັນ/ຄັ້ງ.
ພ້ອມນັ້ນ, ຍັງມີບໍລິການຫ້ອງນ້ຳສາທາລະນະຢູ່ນອກສະຖານີລົດໄຟ, ຄາດວ່າຈະສາມາດໃຫ້ບໍລິການໃນໄວໆນີ້, ໂດຍຫ້ອງນໍ້າຈະບໍລິການໂດຍບໍລິສັດ Boten Frontier Services Limited ແລະ ຈະເກັບຄ່າບໍລິການ 3.000 ກີບ/ຄົນ/ຄັ້ງ.
ສຳລັບຫ້ອງນໍ້່ ຢູ່ເຂດຮ້ານຄ້າສຳລັບຜູ້ໂດຍສານທີ່ມາຊື້ປີ້ລົດໄຟ ຫຼື ລໍຖ້າລົດໄຟສາມາດຊົມໃຊ້ໂດຍບໍ່ເສຍຄ່າ.
