ສປປ ເກົາຫລີ ພົບຜູ້ຕິດເຊື້ອໂຄວິດ-19 ຄົນທຳອິດຢ່າງເປັນທາງການ

ສື່ ສປປ ເກົາຫລີ ລາຍງານການລະບາດຂອງພະຍາດໂຄວິດ-19 ໃນປະເທດເປັນຄັ້ງທຳອິດ.

ວັນທີ 12 ພຶດສະພາ 2022, ສຳນັກຂ່າວຣອຍເຕີ (Reuters) ລາຍງານອ້າງອີງຈາກ KCNA ສື່ ສປປ ເກົາຫລີ ເຖິງການພົບຜູ້ຕິດເຊື້ອໂຄວິດ-19 ໃນປະເທດ ສປປ ເກົາຫລີ ແລະ ຖືເປັນຜູ້ຕິດເຊື້ອຄົນທຳອິດຢ່າງເປັນທາງການຂອງ ສປປ ເກົາຫລີ ນັບແຕ່ເລີ່ມມີການລະບາດເກີດຂຶ້ນທົ່ວໂລກ.

ຕາມລາຍງານລະບຸວ່າ: ເຊື້ອທີ່ກວດພົບເປັນສາຍພັນຍ່ອຍ BA.2 ຂອງເຊື້ອກາຍພັນສາຍພັນໂອມິຄຣອນ. ພ້ອມທັງຊີ້ວ່າ: ນີ້ຄືເຫດສຸກເສີນໃຫຍ່ທີ່ສຸດໃນປະເທດ ທີ່ເກີດຈາກຮອຍຮົ່ວໃນບຸກຄະລາກອນດ່ານໜ້າ ເຊິ່ງເຮັດໃຫ້ ສປປ ເກົາຫລີ ປອດໄພມາຕະຫລອດ 2 ປີກັບອີກ 3 ເດືອນ ນັບແຕ່ເດືອນກຸມພາ 2020.

ຜ່ານມາ ສປປ ເກົາຫລີ ບໍ່ເຄີຍມີລາຍງານຜູ້ຕິດເຊື້ອໂຄວິດ-19 ມາກ່ອນ ເຖິງວ່າທາງຜູ້ຊ່ຽວຊານດ້ານສາທາລະນະສຸກເຊື່ອວ່າມີການຕິດເຊື້ອພາຍໃນປະເທດເກີດຂຶ້ນແລ້ວ ພຽງແຕ່ບໍ່ມີການລາຍງານອອກມາເທົ່ານັ້ນ.

ໂດຍສື່ທາງການ ສປປ ເກົາຫລີ ເປີດເຜີຍວ່າ: ທ່ານ ກິມຈອງອຸນ ຜູ້ນຳສູງສຸດຂອງ ສປປ ເກົາຫລີ ປະກາດວ່າຈະເອົາຊະນະການລະບາດຂອງໂຄວິດ-19 ຄັ້ງນີ້ໃຫ້ໄດ້, ພ້ອມສັ່ງລັອກດາວທົ່ວປະເທດແລ້ວ.

ອ້າງອີງ:

: https://www.reuters.com/…/nkorea-says-it-detected…/

https://twitter.com/AFP/status/1524544345302794240