“ບຣູໂນ” ອອກມາປະຕິເສດຂ່າວລືກຽມຫນີ “ແມນຢູ” ໄປ “ບາເຊໂລນາ”

“ບຣູໂນ ເຟີນານເດສ” ກອງກາງເລືອດຊາວໂປຣຕຸເກດຂອງ “ແມນເຊັສເຕີ ຢູໄນເຕັດ” ຍອດທີມດັງໃນອັງກິດ ອອກມາຕອບໂຕ້ຂ່າວລືວ່າຕົນເອງກຽມຍ້າຍສັງກັດໄປຢູ່ກັບ “ບາເຊໂລນາ”

ເມື່ອວັນທີ 10 ມັງກອນ 2022 ທີ່ຜ່ານມາ, ບຣູໂນ ເຟີນານເດສ ກອງກາງຊາວໂປຣຕຸເກສຂອງ “ຜີສາດແດງ” ແມນເຊສເຕີ ຢູໄນເຕັດ ທີມດັງຂອງ ພຣີເມຍລີກ ອັງກິດ ອອກມາຕອບໂຕ້ຂ່າວລືວ່າທີ່ກຽມຈະໜີອອກຈາກທີມ. ບາເຊໂລນາ ສະໂມສອນຍັກໃຫຍ່ ລາລີກາ ສະເປນ.

ຍ້ອນກັບໄປສອງສາມມື້ກ່ອນຫນ້ານີ້. ສື່ຕ່າງໆໃນປະເທດອັງກິດໄດ້ເຜີຍແຜ່ຂ່າວໃນແງ່ລົບກ່ຽວກັບ ບຣູໂນ ເຟີນານເດສ, ໃນເລື່ອງການຈ່າຍບານໃຫ້ແຕ່ ຄຣິສເຕຍໂນ ໂຣນັລໂດ  ຫຼື ຄວາມອຸກອັ່ງໃຈ ແລະ ໂວຍວາຍໃສ່ເພື່ອນຮ່ວມທີມໃນຕອນທີ່ບໍ່ໄດ້ດັ່ງໃຈຈົນກາຍເຖິງຂັ້ນທີ່ວ່າບອກໂຕແທນໃຫ້ດຳເນີນການໂອນຍ້າຍເຂົ້າຮ່ວມທີມໄປບາເຊໂລນາ.

ເມື່ອບໍ່ດົນມານີ້, ບຣູໂນ ເຟີນານເດດ ໄດ້ອອກມາອ້າງເຖິງຂ່າວທີ່ບໍ່ດີກ່ຽວກັບລາວໃນຄັ້ງນີ້. ” ພວກເຮົາຫາກໍ່ເຂົ້າປີໃໝ່ເມື່ອສອງສາມມື້ກ່ອນ. ແຕ່ເບິ່ງຄືວ່າພວກເຮົາກໍາລັງກ້າວໄປຫາວັນທີ 1 ເດືອນເມສາ (ມື້ຂີ້ຕົວະຂອງໂລກ ຫລື April’s Fool Day ), ແຕ່ຕົວຈິງແລ້ວມັນບໍ່ແມ່ນເລີຍ. ມັນ​ເປັນ​ສິ່ງ​ທີ່​ບໍ່​ດີ​ແທ້ໆ ຈາກການກໍ່ເລື່ອງຂອງສື່ມວນຊົນແບບນັ້ນ.”