ໝາກກ້ຽງ ມີປະໂຫຍດ ແລະ ຂໍ້ຄວນຮູ້ກ່ອນກິນ
ໝາກກ້ຽງ ແມ່ນໝາກໄມ້ລົດຊາດສົ້ມຫວານທີ່ໄດ້ຮັບຄວາມນິຍົມ ເນື່ອງຈາກມີລົດຊາດຫວານຫລາຍກ່ວາໝາກກ້ຽງຊະນິດອື່ນໆ ທັງຍັງອຸດົມໄປດ້ວຍວິຕາມິນ C ແລະ ແຮ່ທາດອື່ນໆ ທີ່ດີຕໍ່ສຸຂະພາບ ເຊັ່ນ : ວິຕາມິນ B1, B5, B6, ທອງແດງ, ໂປຕັສຊຽມ, ມີສານຕ້ານອະນຸມູນອິດສະລະ ທີ່ອາດຊ່ວຍບຳລຸງຫົວໃຈ, ສະໝອງ, ຜິວໜັງ ແລະ ດວງຕາ, ຊ່ວຍຄວບຄຸມນ້ຳໜັກ ແລະ ອາດຊ່ວຍຫລຸດຄວາມສ່ຽງເກີດມະເຮັງໄດ້ນຳອີກ.
ຄຸນຄ່າທາງໂພຊະນາການຂອງໝາກກ້ຽງ ຂະໜາດກາງ ນ້ຳໜັກ 88 ກຣາມ ໃຫ້ພະລັງງານ 47 ກິໂລກາລໍຣີ ແລະ ມີສານອາຫານ ແລະ ແຮ່ທາດອື່ນໆ ດັ່ງໂຕຢ່າງຕໍ່ໄປນີ້ :
- ຄາໂບໄຮເດຣດ 12 ກຣາມ.
- ນ້ຳຕານ 9,3 ກຣາມ.
- ໄຟເບີ 1,6 ກຣາມ.
- ໂປຣຕິນ 0,7 ກຣາມ.
- ໂປຕັສຊຽມ 166 ມິນລີກຣາມ.
- ວິຕາມິນ C 26,7 ມິນລີກຣາມ.
- ວິຕາມິນ A 34 ໄມໂຄຣກຣາມ.
ນອກຈາກນີ້, ໝາກກ້ຽງຍັງມີວິຕາມິນ ແລະ ແຮ່ທາດອື່ນໆອີກຫລາຍຊະນິດ ເຊັ່ນ : ວິຕາມິນ B1, B5, B6, ທອງແດງ, ສັງກະສີ, ເຫລັກ ລວມເຖິງສານຕ້ານອະນຸມູນອິດສະລະປະເພດຟລາໂວນອຍ ເຊັ່ນ : ໂນບິເລຕິນ ທີ່ພົບຫລາຍໃນເປືອກ ເຊິ່ງອາດຊ່ວຍຄວບຄຸມລະດັບຄໍເລສເຕີໂຣນ, ກລູໂກສ ແລະ ອິນຊູລິນໃນເລືອດ, ປ້ອງກັນການເກີດໄຂມັນສະສົມ ແລະ ຫລຸດຄວາມສ່ຽງພະຍາດເບົາຫວານຊະນິດທີ 2 ເປັນຕົ້ນ.
- ຂໍ້ຄວນລະວັງໃນການກິນໝາກກ້ຽງ : ຜູ້ໃຫຍ່ທີ່ມີສຸຂະພາບດີອາດບໍ່ຈຳເປັນຕ້ອງຈຳກັດປະລິມານໃນການກິນໝາກກ້ຽງ, ແຕ່ປະລິມານທີ່ແນະນຳຕໍ່ມື້ ແມ່ນ 100 ກຣາມ/1 ໜ່ວຍບໍລິໂພກ ຫລື ປະມານ ມື້ລະ 2-3 ໜ່ວຍ ເຖິງວ່າໝາກກ້ຽງຈະເປັນແຫ່ລງໄຟເບີ ແລະ ວິຕາມິນ C ທີ່ດີຕໍ່ສຸຂະພາບ, ຊ່ວຍປ້ອງກັນການດູດຊຶມນ້ຳຕານໃນຮ່າງກາຍໄດ້ດີ, ແຕ່ກໍບໍ່ຄວນກິນຫລາຍເກີນໄປ ເພາະອາດເຮັດໃຫ້ນ້ຳຕານໃນເລືອດເພີ່ມຂຶ້ນໄດ້ຄືກັນ.
