4 ອາຫານທີ່ຈະຢຸດລະບົບເຜົາຜານໄຂມັນທັນທີທີ່ກິນ
January 6, 2022 - 10:00 AM
- ຊານົມໄຂ່ມຸກ ແລະ ເຄື່ອງດື່ມລົດຊາດຫວານທັງໝົດ : ສ່ວນປະກອບຂອງຊານົມມີຊາຢູ່ໃນປະລິມານບໍ່ຫລາຍ ນອກນັ້ນເປັນນົມ ທີ່ອາດມາຈາກນົມສົດ ຫລື ປະສົມຄຣີມທຽມ ເຊິ່ງອາດມີນຳ້ຕານຫລາຍໄດ້. ເມື່ອໃດກໍຕາມທີ່ຮ່າງກາຍໄດ້ຮັບຄາໂບໄຮເດຣດທີ່ກິນເຂົ້າໄປຫລາຍໆ ອາດບໍ່ດີຕໍ່ຮ່າງກາຍ ເຊັ່ນ : ນຳ້ຕານຂາວ ຫລື ແປ້ງທີ່ຜ່ານຂະບວນການຕ່າງໆ ເຊັ່ນ : ໄຂ່ມຸກ ເປັນແປ້ງທີ່ຜ່ານການປຸງແຕ່ງຫລາຍ ລວມເຖິງຄຣີມທຽມເພີ່ມຄວາມຫວານມັນໃຫ້ກັບຮ່າງກາຍ ຫາກກິນເຂົ້າໄປຈະເຮັດໃຫ້ລະບົບເຜົາຜານໄຂມັນໃນຮ່າງກາຍຢຸດສະງັກທັນທີ ເພາະເມື່ອໃດກໍຕາມທີ່ຮ່າງກາຍໄດ້ຮັບຄາໂບໄຮເດຣດ, ແປ້ງ ແລະ ນຳຕ້ານ ໂດຍສະເພາະແປ້ງ ແລະ ນຳ້ຕານທີ່ບໍ່ຄ່ອຍດີຕໍ່ຮ່າງກາຍ ຈະເຮັດໃຫ້ຮ່າງກາຍມີອິນຊູລິນທີ່ເພີ່ມສູງຂຶ້ນ. ລະບົບເຜົາຜານຈະຢຸດເຮັດວຽກ ຮ່າງກາຍຈະພະຍາຍາມເຜົາຜານແຕ່ນຳ້ຕານທີ່ກິນເຂົ້າໄປຈຳນວນຫລາຍ ໂດຍບໍ່ໄດ້ເຜົາຜານໄຂມັນ ແລະ ເມື່ອຮ່າງກາຍເຜົາຜານພະລັງງານຈາກນຳ້ຕານໄດ້ບໍ່ໝົດ ກໍຈະກັບໄປສະສົມໃນຮູບແບບຂອງໄຂມັນສ່ວນເກີນຕາມອະໄວຍະວະຕ່າງໆນັ້ນເອງ.
- ເຂົ້າໜົມຖົງ : ບໍ່ວ່າຈະເປັນເຂົ້າໜົມຖົງຊະນິດໃດໆກໍຕາມ ເຊັ່ນ : ມັນຝຣັ່ງອົບກອບ ແລະ ອື່ນໆ ເພາະເຂົ້າໜົມຖົງມັກມີສ່ວນປະກອບເປັນຄາໂບໄຮເດຣດທີ່ດູດຊຶມໄດ້ໄວຫລາຍ ເຊິ່ງເປັນແປ້ງທີ່ກາຍເປັນນຳ້ຕານໄດ້ຢ່າງໄວວາ ສົ່ງຜົນໃຫ້ລະດັບອິນຊູລິນໃນຮ່າງກາຍເພີ່ມສູງຂຶ້ນ. ນອກຈາກນີ້, ເຂົ້າໜົມຖົງຍັງມີສານປຸງແຕ່ງຈຳນວນຫລາຍ ເຊິ່ງກະຕຸ້ນອິນຊູລິນໃນຮ່າງກາຍເພີ່ມຫລາຍຂຶ້ນ ແລະ ຮ່າງກາຍຢຸດການເຮັດວຽກຂອງລະບົບເຜົາຜານໄຂມັນນຳຄືກັນ.
- ນຳ້ອັດລົມປາສະຈາກນຳ້ຕານ : ເຄື່ອງດື່ມປາສະຈາກນຳ້ຕານທີ່ໃຫ້ພະລັງງານ 0 ກິໂລກາລໍຣີ ເບິ່ງຄືວ່າຈະດີຕໍ່ສຸຂະພາບ, ແຕ່ຄວາມຈິງແລ້ວ ມັກໃສ່ສານໃຫ້ຄວາມຫວານ ຫລື ແອສປາແຕມ ກັບ ຊູຄາໂລສ ໂດຍສານທັງ 2 ຊະນິດນີ້ກະຕຸ້ນການເຮັດວຽກຂອງອິນຊູລິນໄດ້ເປັນຢ່າງດີ ຮ່າງກາຍຢຸດເຜົາຜານໄຂມັນທັນທີທີ່ກິນເຂົ້າໄປ, ແຕ່ກໍມີເຄື່ອງດື່ມປາສະຈາກນຳ້ຕານບາງປະເພດທີ່ປະສົມສານໃຫ້ຄວາມຫວານແທນນຳ້ຕານທີ່ບໍ່ກະຕຸ້ນການເຮັດວຽກຂອງອິນຊູລິນ ນັ້ນກໍຄື ອັລລູໂລສ ອິນນູລິນ ອິຣິຕຣິຕັລ, ຫລໍ່ຮັງກ້ວຍ ແລະ ສະຕີເວຍ, ແຕ່ຫາກເລືອກທີ່ຈະບໍ່ກິນໄດ້ກໍຈະດີທີ່ສຸດ ເພາະແນວໃດກໍຍັງເຮັດໃຫ້ເຮົາເປັນຄົນຕິດຫວານຢູ່ຄືເກົ່າ.
- ນຳ້ໝາກໄມ້ : ເຖິງຈະເປັນນຳ້ໝາກໄມ້ 100% (ຫລືໜ້ອຍກ່ວາ) ກໍມີປະລິມານນຳ້ຕານຫລາຍຄືກັນ ໂດຍນຳ້ໝາກໄມ້ 1 ຈອກ ມີນຳ້ຕານໃກ້ຄຽງກັນກັບນຳ້ອັດລົມ 1 ຈອກ (ນຳ້ຕານປະມານ 5 – 6 ບ່ວງຊາ) ແນະນຳໃຫ້ກິນເປັນໝາກໄມ້ສົດເພື່ອໃຫ້ໄດ້ກາກໄຍອາຫານນຳຈະດີກ່ວາ ແລະ ຄວນກິນພ້ອມຄາບເຂົ້າ ແລະ ກິນໃນປະລິມານທີ່ພໍດີ ບໍ່ກິນຫລາຍເກີນໄປ.
- ອາຫານທີ່ກ່າວມາເຫລົ່ານີ້ບໍ່ແມ່ນວ່າຈະຫ້າມບໍ່ໃຫ້ກິນເລີຍ, ແຕ່ຄວນຈະດົນໆກິນເທື່ອໜຶ່ງ ແລະ ກິນໃນປະລິມານທີ່ບໍ່ຫລາຍເກີນໄປ ລວມເຖິງອອກກຳລັງກາຍຫລາຍກ່ວາ 30 ນາທີ 3 – 5 ມື້ຕໍ່ອາທິດ ຈະຊ່ວຍໃຫ້ລະບົບເຜົາຜານພະລັງງານຍັງຄົງເຮັດວຽກໄດ້ຢ່າງດຸໝັ່ນຄືເກົ່າ.
