ຈາກນັກເຕະຂວັນໃຈປະຊາຊົນ ເອໂຕ ຂຶ້ນນັ່ງບັນລັງ ສະຫະພັນບານເຕະ ແຄເມີຣູນ
ໃນວັນທີ 12 ເດືອນທັນວາຜ່ານມານີ້ ຊາມູເອລ ເອໂຕ ຕຳນານກອງໜ້າທີມຊາດກາເມຣູນ ໄດ້ຮັບຕໍາແໜ່ງປະທານສະຫະພັນບານເຕະ ແຄມເມີຣູນ. ພາຍຫຼັງຊະນະໃນການເລືອກຕັ້ງຢ່າງລົ້ນເຫລືອ.
ເຈົ້າຂອງລາງວັນນັກເຕະດີເດ່ັນແຫ່ງປີຂອງທະວີບແອຟຣີກາ 4 ສະໄໝ ລົງສະຫມັກເປັນຜູ້ທ້າຊີງຕຳແໜ່ງໃນປີນີ້ ໂດຍການວັນເລືອກຕັ້ງມີຜູ້ສະຫມັກທີ່ຮ່ວມຊີງບັນລັງຫລາຍເຖິງ 7 ຄົນ ກ່ອນຖອນຕົວອອກໄປເຖິງ 5 ຄົນ ໃນໄລຍະຊ່ວງເຊົ້າວັນເລືອກຕັ້ງ.
ໃນທີ່ສຸດ ເອໂຕ ທີ່ໄດ້ຮັບຄະແນນສຽງເຫນືອກວ່າ ເຊດູ ເອັມບອມໂບ ເອັນໂຈຢາ ຮອງປະທານສະຫະພັນຄົນທີ 4 ເຮັດໃຫ້ລາວໄດ້ຮັບຕຳແຫນ່ງປະທານສະຫະພັນເປັນຄັ້ງທໍາອິດ. ພ້ອມທັງກະກຽມງານໃຫຍ່ເພື່ອກຽມເປັນເຈົ້າພາບຈັດງານແຂ່ງຂັນເຕະບານ ແອຟຣິກາ ຄັບ ອອບ ເນຊັນ 2021 ຫຼັງປີໃໝ່ລະຫວ່າງວັນທີ 9 ມັງກອນ – 6 ກຸມພາ ທີ່ຈະມາເຖິງນີ້.
ສຳລັບ ເອໂຕ ອາຍຸ 40 ປີ ເຄີຍຫຼິ້ນໃຫ້ກັບ ເຣອັນ ມາດຣິດ, ເອສປັນຢອນ, ເຣອັນ ມາຢໍກາ ແລະ ບາເຊໂລນາ ຄວ້າແຊ໊ມ ລາ ລີກາ 3 ສະໄໝ ແລະ ຢູຟາ ແຊ໊ມປຽນລີກ 2 ສະໄໝ ກ່ອນຈະຍ້າຍໄປຢູ່ກັບ ອິນເຕີ ມິລານ ເຊິ່ງກໍກວາດແຊ໊ມ ທັງ ກັລໂຊ ເຊເຣຍ ອາ ອິຕາລີ, ໂຄບປາ ອິຕາເລຍ, ຢູຟາ ແຊ໊ມປຽນລີກ ແລະ ແຊ໊ມສະໂມສອນໂລກໃນປີ 2010.
ຫຼັງຈາກນັ້ນຍ້າຍໄປຢູ່ໃນພຣີເມຍລີກອັງກິດກັບ ເຊລຊີ ແລະ ເອເວີຕັນ ໃນປີ 2013-2015, ຈົນ ລາວໄດ້ແຂວນສະຕັດເຊົາຫລິ້ນກັບ ກາຕາ ເອສຊີ ໃນປີ 2019.
ສ່ວນທີມຊາດແຄມເມີຣູນ ເອໂຕ ກໍຊ່ວຍໃຫ້ທີມຄວ້າແຊ໊ມແອຟຣິກາ ຄັບ ອອບ ເນຊັນ 2 ສະໄຫມໃນປີ 2000 ແລະ 2002, ລວມເຖິງໄດ້ຫຼຽນຄໍາໃນງານກິລາໂອລິມປິກເກມ 2000 ທີ່ນະຄອນຊິດນີ ປະເທດອອສເຕຣເລຍ.
