ວັນທີ 28 ມີນາ ທົ່ວປະເທດມີຜູ້ເດີນທາງເຂົ້າມາ ມີທັງໝົດ 3.118 ຄົນ
ອີງຕາມການລາຍງານຂອງຄະນະສະເພາະກິດ ກະຊວງສາທາລະນະສຸກວັນທີ 29 ມີນາ 2021 ນີ້ໃຫ້ຮູ້ວ່າ: ວັນທີ 28 ມີນາຜ່ານມາ ມີຜູ້ເດີນທາງຜ່ານດ່ານຊາຍແດນລາວທັງໝົດ 3.118 ຄົນ
ໃນນັ້ນຈຸດຜ່ານດ່ານ ລາວ – ໄທ ທັງໝົດ 1,863 ຄົນ, ຈຸດຜ່ານດ່ານ ລາວ – ຈີນ ທັງໝົດ 95 ຄົນ, ຈຸດຜ່ານດ່ານ ລາວ – ຫວຽດນາມ ທັງໝົດ 976 ຄົນ, ຈຸດຜ່ານດ່ານ ສະໜາມບິນສາກົນວັດໄຕ ທັງໝົດ 183 ຄົນ, ຈຸດຜ່ານດ່ານ ລາວ-ກຳປູເຈຍ ທັງໝົດ 01 ຄົນ, ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ໄດ້ເກັບຕົວຢ່າງທຸກໆຄົນມາກວດ ເຊິ່ງທັງໝົດແມ່ນບໍ່ພົບຜູ້ຕິດເຊື້ອ COVID-19;
ການຕິດຕາມຜູ້ຖືກຈຳກັດບໍລິເວນ ຢູ່ໃນສະຖານທີ່ ທີ່ກຳນົດໄວ້ ໃນຂອບເຂດທົ່ວປະເທດ ມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 3,268 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ COVID-19.
