Apple ຍ້າຍຖານຜະລິດ ipad ຈາກຈີນໄປຫວຽດນາມ-ມາເລເຊຍ
ເປັນຄັ້ງທຳອິດທີ່ Apple ຈະເລີ່ມຜະລິດ iPad ຈຳນວນຫລາຍນອກປະເທດຈີນ ຖານໃໝ່ທີ່ຈະໄປຄືຫວຽດນາມ ແລະ ມາເລເຊຍທີ່ຈະເປັນແຫລ່ງຜະລິດລຸ້ນນ້ອຍຄື Mac mini.
ລາຍງານຈາກສື່ຕ່າງປະເທດລະບຸວ່າ: Apple ຈະສາມາດເລີ່ມຜະລິດ iPad ໃນຫວຽດນາມໄດ້ພາຍໃນກາງປີນີ້ ຄວາມພິເສດຄືກຳລັງການຜະລິດທີ່ຖືວ່າເປັນຄັ້ງທຳອິດຂອງການຜະລິດແທັບເລັດໃນລະດັບ “ຈຳນວນຫລາຍ” ທີ່ຜະລິດນອກປະເທດຈີນ.
ທັງໝົດນີ້ເປັນການຕໍ່ຍອດຈາກລາຍງານໃນປີຜ່ານມາ ທີ່ພົບວ່າ: Apple ຍ້າຍການຜະລິດ AirPods Pro ບາງສ່ວນໄປຫວຽດນາມ ຄາດວ່າຍັກໃຫຍ່ໄອທີກຳລັງວາງແຜນຈະຂະຫຍາຍການຜະລິດ HomePod mini ໄປນຳ ລວມທັງຍ້າຍການຜະລິດ MacBook ບາງສ່ວນ.
ສຳນັກຂ່າວຣອຍເຕີເຄີຍລາຍງານກ່ຽວກັບແຜນການເລີ່ມຍ້າຍຖານການຜະລິດຂອງ Apple ທີ່ຈະປ່ຽນການຜະລິດ MacBook ແລະ iPad ໄປຫວຽດນາມໃນປີຜ່ານມາ ຂໍ້ມູນນີ້ສອດຄ່ອງກັບລາຍງານໃໝ່ທີ່ຊີ້ວ່າ: ການຜະລິດ Mac mini ບາງສ່ວນໄດ້ຖືກຍ້າຍໄປມາເລເຊຍນຳ ຄາດວ່າການປ່ຽນແປງຕ່ອງໂສ້ການສະໜອງຂອງ Apple ເປັນສ່ວນໜຶ່ງຂອງແຜນທີ່ຈະຍ້າຍການຜະລິດ 15-30% ຂອງການຜະລິດອອກຈາກປະເທດຈີນ ເຊິ່ງເປັນພາບໃຫຍ່ທີ່ໂລກຈະໄດ້ເຫັນຈະແຈ້ງຕໍ່ຈາກນີ້.
