ກອງປະຊຸມໃຫຍ່ຄັ້ງທີ IX ຂອງອົງຄະນະພັກກະຊວງສາທາລະນະສຸກ
December 3, 2020 - 4:14 PM
ກອງປະຊຸມໃຫ່ຍຄັ້ງທີ IX ຂອງອົງຄະນະພັກກະຊວງສາທາລະນະສຸກ ຈັດຂຶ້ນໃນວັນທີ 3-4 ທັນວານີ້ ທີ່ຫໍປະຊຸມແຫ່ງຊາດ ໃນນະຄອນຫລວງວຽງຈັນ ພາຍໃຕ້ການເປັນປະທານຂອງສະຫາຍຄໍາພອນ ພຸດທະວົງ ເລຂາຄະນະພັກກະຊວງສາທາລະນະສຸກ ໂດຍການເຂົ້າຮ່ວມຂອງສະຫາຍພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ມີການນໍາຂັ້ນສູງກະຊວງສາທາລະນະສຸກ, ພ້ອມດ້ວຍຜູ້ແທນສົມບູນ 184ທ່ານ, ຍິງ73ທ່ານ ທີ່ເປັນຕົວແທນສະມາຊິກພັກສົມບູນທົ່ວກະຊວງສາທາລະນະສຸກ 1.340 ສະຫາຍ
ໃນກອງປະຊຸມຈະໄດ້ຮັບຟັງບົດລາຍງານການເມືຶອງ, ແຜນພັດທະນາຂະ ແໜງສາທາລະນະສຸກ 5 ປີຜ່ານມາ, ບົດສໍາຫລວດການນໍາພາລວມ ຂອງອົງຄະນະພັກກະຊວງສາທາລະນະສຸກຄັ້ງທີ VIII ແລະ ຈະໄດ້ດໍາເນີນການ ຄັດເລືອກເອົາຄະນະບໍລິຫານງານພັກກະຊວງຊຸດໃໝ່,ຄັດ ຜູ້ແທນສົມບູນໄປຮ່ວມກອງປະຊຸມໃຫ່ຍຄັ້ງທີ XI ຂອງພັກ ແລະ ຮັບຟັງການໂອ້ລົມ ໃຫ້ທິດຊີ້ນໍາຈາກສະຫາຍ ພັນຄໍາ ວິພາວັນອີກດ້ວຍ.
