ສະຫລຸບບັນຫາໜ້າສົນໃຈທົ່ວໂລກ ວັນທີ 26 ກັນຍາ 2020
- 2 ຄົນໄດ້ຮັບບາດເຈັບສາຫດຢູ່ປາຣີຫລັງຈາກມີຄົນຮ້າຍກໍ່ເຫດໃຊ້ອາວຸດແທງ ເຊິ່ງຕຳຫລວດອະທິບາຍວ່າເປັນການກະທຳໃນລະດັບຂອງ “ການກໍ່ການຮ້າຍ” ໂດຍຫລ້າສຸດຈັບຜູ້ຕ້ອງສົງໄສໄດ້ແລ້ວ 2 ຄົນ.
ການໂຈມຕີເກດຂຶ້ນໃກ້ສຳນັກງານເກົ່າຂອງ Charlie Hebdo ເຊິ່ງເປັນວາລະສານແນວສຽດສີ ແລະ ເປັນສະຖານທີ່ທີ່ເຄີຍເກີດເຫດສັງຫານໝູ່ຜູ້ນັບຖືສາສະໜາອິດສະລາມໃນປີ 2015, ສ່ວນຜູ້ຕ້ອງສົງໄສທີ່ຖືກກ່າວຫາວ່າມີສ່ວນກ່ຽວຂ້ອງກັບເຫດການນັ້ນກຳລັງຢູ່ໃນໄລຍະພິຈາລະນາຄະດີ.
- ຜູ້ພິພາກສາຂອງລັດຖະບານກາງອາເມລິກາ ໄດ້ອອກຄຳສັ່ງເບື້ອງຕົ້ນເພື່ອປິດກັ້ນຄວາມພະຍາຍາມຂອງຝ່າຍບໍລິຫານຂອງທ່ານ ທຣຳ ທີ່ຈະສຳເລັດການສຳຫລວດສຳມະໂນຄົວຊາວອາເມລິກາໃນວັນທີ 30 ກັນຍານີ້ ເຊິ່ງເປັນ 1 ເດືອນກ່ອນຈະຮອດກຳນົດສິ້ນສຸດຕາມແຜນການໃນວັນທີ 31 ຕຸລາ 2020.
ຫລັກຖານທີ່ຍື່ນຕໍ່ສານໃນອາທິດນີ້ ສະແດງໃຫ້ເຫັນວ່າເຈົ້າໜ້າທີ່ສຳຫລວດສຳມະໂນຄົວຢ້ານວ່າການສິ້ນສຸດກ່ອນກຳນົດອາດນຳໄປສູ່ການນັບຄະແນນທີ່ບໍ່ຖືກຕ້ອງ.
- Palantir Technologies ທະນາຄານ ແລະ ບໍລິສັດໃຫ້ຄຳປຶກສາ ໄດ້ບອກນັກລົງທຶນວ່າຫຸ້ນຂອງບໍລິສັດ ເຊິ່ງຂາຍໂປຣແກຣມດ້ານການຮວບຮວມ ແລະ ຈັດລະບຽບຊຸດຂໍ້ມູນທີ່ແຕກຕ່າງກັນ ຈະສາມາດເລີ່ມການຊື້ຂາຍໃນລາຄາ 10 ໂດລາຕໍ່ 1 ຫຸ້ນຕາມທີ່ Wall Street Journal ລາຍງານ.
ນັ້ນຈະເຮັດໃຫ້ ບໍລິສັດມີມູນຄ່າເກືອບ 2,2 ໝື່ນລ້ານໂດລາ ໂດຍພວກເຂົາມີກຳນົດຈະເປີດເຜີຍຕໍ່ສາທາລະນະໃນວັນທີ 30 ກັນຍາ ໂດຍໃຊ້ລາຍຊື່ໂດຍກົງ (Direct Listina) ແທນຈະເປັນການສະເໜີຂາຍ IPO.
- Bah Ndaw ອະດີດລັດຖະມົນຕີວ່າການກະຊວງປ້ອງກັນປະເທດຂອງປະເທດມາລີ ເຊິ່ງປັດຈຸບັນເປັນພົນລະເຮືອນທົ່ວໄປ ໄດ້ເຂົ້າພິທີສາບານຕົນເພື່ອຮັບຕຳແໜ່ງເປັນປະທານາທິບໍດີຄົນໃໝ່ຂອງປະເທດ ໂດຍທ່ານກ່າວວ່າ: ຈະເບິ່ງແຍງການປ່ຽນຜ່ານໃນໄລຍະ 18 ເດືອນຕໍ່ຈາກນີ້ ເພື່ອກັບໄປສູ່ລະບອບການປົກຄອງແບບພົນລະເຮືອນ (civilian rule).
ໃນເດືອນສິງຫາຜ່ານມາ ສະມາຊິກຂອງກອງກຳລັງທະຫານຂອງປະເທດ ໄດ້ໂຄ່ນລົ້ມລັດຖະບານດ້ວຍການກໍ່ລັດຖະປະຫານ ແລະ ເພື່ອນບ້ານຂອງປະເທດມາລີກໍໄດ້ກຳນົດມາດຕະການຂວ້ຳບາດເພື່ອຕອບໂຕ້ການກະທຳຂອງກອງທັບ. ຂະນະທີ່ການແຕ່ງຕັ້ງປະທານາທິບໍດີ ເຊິ່ງເປັນພົນລະເຮືອນທຳມະດາ ຄືເງື່ອນໄຂໜຶ່ງທີ່ຈະເຮັດໃຫ້ເພື່ອນບ້ານຂອງພວກເຂົາຍົກເລີກມາດຕະການຂວ້ຳບາດ.
- ໂຄສົກຂອງ Alexei Navalny ຜູ້ນຳນັກການເມືອງຝ່າຍຄ້ານຂອງຣັດເຊຍ ກ່າວວ່າ: ມີຊັບສິນຂອງທ່ານບາງສ່ວນທີ່ຖືກອາຍັດ ແລະ ຖືກຍຶດ ເຊິ່ງເປັນສ່ວນໜຶ່ງຂອງຄຳສັ່ງສານ.
Navelny ເປັນນັກວິຈານຊັ້ນນຳກ່ຽວກັບປະທານາທິບໍດີ Vladimir Putin ໂດຍລາວໄດ້ຮັບການປ່ອຍຕົວອອກຈາກໂຮງໝໍໃນວັນທີ 23 ກັນຍາຜ່ານມາ ຫລັງຈາກຟື້ນຕົວຈາກອາການໜັກ ເນື່ອງຈາກຖືກວາງຢາພິດຊື່ວ່າ Novichok ເຊິ່ງເປັນຢາທີ່ສົ່ງຜົນຕໍ່ລະບົບປະສາດ. ຂະນະທີ່ແຫລ່ງຂ່າວຫລາຍສຳນັກພະຍາຍາມໂຈມຕີວ່າ: ເລື່ອງນີ້ທີ່ກ່ຽວຂ້ອງກັບລັດຖະບານຂອງທ່ານ ປູຕິນ ເຖິງວ່າພວກທ່ານປະຕິເສດການມີສ່ວນກ່ຽວຂ້ອງໃດໆ.
- ລາຍງານໃນໜັງສືພິມຫລາຍສະບັບຊີ້ໃຫ້ເຫັນທ່າອ່ຽງເພີ່ມຂຶ້ນວ່າ ປະທານາທິບໍດີ ໂດນັລ ທຣຳ ຈະສະເໜີຊື່ຂອງ Amy Coney Barrett ເພື່ອເປັນຕົວເລກຂອງທ່ານສຳລັບຕຳແໜ່ງໃນສານດີກາ ເຊິ່ງກາຍເປັນຕຳແໜ່ງວ່າງ ຫລັງຈາກການເສຍຊີວິດຂອງ Ruth Bader Ginsburg ໃນວັນທີ 18 ກັນຍາຜ່ານມາ.
- ຫລັງຈາກໄລຍະທຳອິດຂອງຊີວິດທ່ານ Ginsburg ນາງໄດ້ປະສົບຜົນສຳເລັດອີກ 2 ຄັ້ງ ເຖິງວ່າຈະເສຍຊີວິດໄປແລ້ວ ໂດຍນາງໄດ້ກາຍເປັນແມ່ຍິງຄົນທຳອິດ ແລະ ເປັນຊາວຢິວຄົນທຳອິດ ທີ່ຢູ່ໃນຕຳແໜ່ງລະດັບສູງສຸດ ເຊິ່ງເປັນສ່ວນໜຶ່ງຂອງລັດຖະສະພາອາເມລິກາ ໂດຍມຸມມອງຂອງຊາວອາເມລິກາຖືວ່າເລື່ອງນີ້ເປັນກຽດທີ່ສະຫງວນໄວ້ສຳລັບພົນລະເມືອງທີ່ໄດ້ຮັບຄວາມນັບຖືຫລາຍທີ່ສຸດຂອງປະເທດ. ຂະນະທີ່ສົບຂອງນາງຈະຖືກຝັງຢູ່ສຸສານແຫ່ງຊາດ Arlington ໃນອາທິດໜ້າ.
