ການກາຍສາຍພັນຂອງໂຄວິດ-19 ມາເປັນ D614G ອາດຈະຕິດຕໍ່ໃສ່ກັນໄດ້ໄວກວ່າ ແຕ່ການເສຍຊີວິດຈະໜ້ອຍລົງ
August 20, 2020 - 10:33 AM
VOV.VN, ວັນທີ 19 ສິງຫານີ້ ລາຍງານວ່າ: ບັນດານັກຊ່ຽວຊານຂອງສິງກະໂປ ໃຫ້ຮູ້ວ່າ: ການກາຍສາຍພັນຂອງໂຄວິດ-19 ອາດຈະແຜ່ລະບາດ ແລະ ຕິດຕໍ່ໃສ່ກັນໄດ້ໄວກວ່າ ແຕ່ເປີເຊັນເສຍຊີວິດໜ້ອຍກວ່າ.
D614G ແມ່ນຮູບການກາຍສາຍພັນຂອງໂຄວິດ-19 ຊຶ່ງຄົ້ນພົບຢູ່ໃນເອີຣົບ ແລະ ອາເມລິກາເໜືອ, ຫວ່າງມໍ່ໆມານີ້ກໍພົບເຫັນຢູ່ໃນອາຊີ, ມັນມີຄວາມສາມາດຕິດຕໍ່ໄດ້ງ່າຍ ແລະ ໄວກວ່າທົບຫຼາບເທົ່າ. ແຕ່ທ່ານ Paul Tambyah ປະທານຂອງບັນດາສະມາຄົມພະຍາດຕິດຕໍ່ສາກົນໃຫ້ຮູ້ວ່າ: ເຊື້ອໄວຣັດກາຍສາຍພັນໃໝ່ນີ້ ອາດຈະເຮັດໃຫ້ການການຕິດຕໍ່ໃສ່ກັນໄດ້ໄວກວ່າ ແຕ່ການເສຍຊີວິດໜ້ອຍລົງ.
ທ່ານ Tambyahແລະ Sebastian Maurer-Stroh ຜູ້ຊ່ຽວຊານຂອງອົງການວິທະຍາສາດ, ເທັກໂນໂລຊີ ແລະ ການຄົ້ນຄວ້າຂອງສິງກະໂປໃຫ້ຮູ້ວ່າ: ການກາຍສາຍພັນຂອງໄວຣັດດັ່ງກ່າວກໍຈະບໍ່ທົນທານຕໍ່ວັກຊີນໂຄວິດ-19 ໄດ້.
ຂ່າວ: ລູກເມືອງພວນ.
