ປະທານາທິບໍດີ ທຣຳ ຍົກເລີກແຜນການເຈລະຈາການຄ້າກັບຈີນ

ສຳນັກຂ່າວ Zing, ວັນທີ 19 ສິງຫານີ້ໃຫ້ຮູ້ວ່າ: ປະທານາທິບໍດີ ດໍໂນທຣຳ ໄດ້ປະກາດຍົກເລີກການເຈລະຈາການຄ້າກັບຈີນ, ພ້ອມດຽວກັນເຂົາຕຳນິວິຈານວິທີການຕ້ານໂຄວິດ-19 ຂອງຈີນວ່າ ສ້າງຜົນກະທົບຮ້າຍແຮງທີ່ບໍ່ຄາດຝັນ.

ທຣຳ ກ່າວວ່າ: “ຂ້ອຍຍົກເລີກການເຈລະຈາກັບຈີນ ກໍເພາະວ່າຂ້ອຍບໍ່ຢາກເວົ້າກັບຈີນໃນເວລານີ້”.

ສຳນັກຂ່າວ South China Morning Post  ໃຫ້ຮູ້ວ່າ:ຕາມແຜນການ, ຮອງນາຍົກລັດຖະມົນຕີຂອງຈີນ ຫຼິວແຮກ ຈະພົບປະກັນແບບອອນລາຍກັບ ຜູ້ຕາງໜ້າການຄ້າຂອງສະຫະລັດ Robert Lighthizer  ແລະ ລັດຖະມົນຕີການເງິນ Steven Mnuchin ໃນວັນທີ 16 ສິງຫາ ແຕ່ແຜນການຖືກຍົກເລີກກ່ອນ.

ອັນເນື່ອງມາຈາກ ທຣຳ ໄດ້ຕິຕຽນແຜນການຮັບມືກັບໂຄວິດ-19 ຂອງຈີນ ຊຶ່ງໄດ້ລະບາດຂຶ້ນອີກຄັ້ງໃໝ່. ທຣຳ ເອີ້ນໄວຣັດດັ່ງກ່າວວ່າ: ໄວຣັດຈີນ.

ຂ່າວ: ລູກເມືອງພວນ.