ປະທານາທິບໍດີ ແມັກຊິກໂກ, ວີເນຊູເອລາຂານອາສາສັກວັກຊີນ ໂຄວິດ-19 ຂອງລັດເຊຍ
August 18, 2020 - 2:13 PM
ສຳນັກຂ່າວ thanhnien, ວັນທີ 18 ສິງຫານີ້ ໃຫ້ຮູ້ວ່າ: ປະທານາທິບໍດີຂອງ ແມັກຊິກໂກ Andres Manuel Lopez Obrador ຢືນຢັນວ່າ ເຂົາຈະຂານອາສາເປັນໜຶ່ງໃນຄົນທຳອິດທີ່ຈະສັກວັກຊີນໂຄວິດ-19 ຂອງລັດເຊຍ ຖ້າຫາກວ່າວັກຊີນດັ່ງກ່າວສາມາດຄຸ້ມກັນພະຍາດໄດ້.
ກ່ອນໜ້ານັ້ນບໍດົນ ປະທານາທິບໍດີ Nicolas Maduro ຂອງເວເນຊູເອລາ ກໍໄດ້ປະກາດວ່າ ເຂົາຈະເປັນຜູ້ທຳອິດສັກວັກຊີນ Sputnik V ຂອງລັດເຊຍ.
ທ່ານກ່າວໃນໂທລະພາບວ່າ: “ຂ້ອຍຮູ້ສຶກພາກພູມໃຈທີ່ສຸດທີ່ລັດເຊຍເປັນປະເທດທຳອິດໃນໂລກ ທີ່ມີວັກຊີນສັກໃຫ້ປະຊາຊົນຂອງເຂົາ ແລະ ຮອດທີ່ພວກເຮົາກໍຈະໄດ້ສັກໝົດທຸກຄົນ. ຂ້ອຍຈະເປັນຄົນທຳອິດສັກວັກຊີນດັ່ງກ່າວ. ຂ້າພະເຈົ້າຈະເປັນແບບຢ່າງ”.
ທ່ານ Maduro ຢືນຢັນວ່າ: ລັດຖະບານເວເນຊູເອລາຈະສັກວັກຊີນໂຄວິດ-19ໃຫ້ພະນັກງານແພດ, ຜູ້ເຖົ້າ ແລະ ຜູ້ທີ່ມີບັນຫາທາງດ້ານສຸຂະພາບ.
ຂ່າວ: ລູກເມືອງພວນ.
