ຫວຽດນາມມີຜູ້ເສຍຊີວິດລາຍທຳອິດຈາກໂຄວິດ-19
August 1, 2020 - 9:27 AM
ສຳນັກຂ່າວສານຫວຽດນາມ(TTXVN) ອ້າງອີງແຫຼ່ງຂ່າວຈາກກະຊວງສາທາລະນະສຸກຫວຽດນາມ ວັນທີ 31 ກໍລະກົດນີ້ໃຫ້ຮູ້ວ່າ: ຫວຽດນາມມີຜູ້ເສຍຊີວິດເປັນຄົນທຳອິດຈາກພະຍາດໂຄວິດ-19 ກໍລະນີທີ 428, ເປັນເພດຊາຍ ອາຍຸ 70 ປີ, ທີ່ຢູ່ ເມືອງ ໂຮຍອານ ແຂວງກວາງນາມ.
(ໜັງສືພິມ ລາວພັດທະນາ)
ຜູ້ປ່ວຍຄົນດັ່ງກ່າວມີພະຍາດປະຈຳຕົວຄື: ພະຍາດໄຂ່ຫຼັງ, ລະບົບຖ່າຍເທປັດສະວະ ໄລຍະສູດທ້າຍ, ມີປະຫວັດຄວາມດັນເລືອດສູງ,ພະຍາດຫົວໃຈ, ຂາດເລືອດ ແລະ ປອດອັກເສບ, ເຂົ້ານອນປິ່ນປົວຢູ່ທີ່ໂຮງໝໍ ດານັງ ວັນທີ 9 ກໍລະກົດທີ່ຜ່ານມາ. ຜົນການກວດເລືອດ ເຫັນວ່າຜູ້ກ່ຽວຕິດເຊື້ອໄວຣັດໂຄວິດ-19 ໃນວັນທີ 27 ກໍລະກົດ 2020.
ມາເຖິງເວລາ 10 ໂມງຂອງວັນທີ 31 ກໍລະກົດນີ້, ຫວຽດນາມຢືນຢັນວ່າມີຜູ້ຕິດເຊື້ອສະສົມ 509 ກໍລະນີ ແລະ ໃນນັ້ນໄດ້ມີຜູ້ເສຍຊີວິດ 1 ຄົນ.
ຂ່າວ: ລູກເມືອງພວນ(ແຫຼ່ງຂ່າວ baoquocte)
(ໜັງສືພິມ ລາວພັດທະນາ)
