ນັກບິນໃຊ້ເຮືອບິນວາດພາບຊູກຳປັ້ນຢູ່ເທິງອາກາດເພື່ອລະນຶກເຖິງ George Floyd ທີ່ຖືກເຈົ້າໜ້າທີ່ຕຳຫຼວດ ສະຫະລັດ ກົດຄໍເສຍຊີວິດ
ນັກບິນຄົນໜຶ່ງຢູ່ແຂວງ Nova Scotia ການາດາ, ວັນທີ 4 ມີຖຸນານີ້ໄດ້ໃຊ້ເຮືອບິນບິນວາດພາບເປັນຮູບຊູກຳປັ້ນ ຢູ່ເທິງອາກາດ ເພື່ອລະນຶກເຖິງGeorge Floyd ທີ່ຖືກເຈົ້າໜ້າທີ່ຕຳຫຼວດສະຫະລັດເອົາຫົວເຂົ່າກົດຄໍເສຍຊີວິດ.
ນັກບິນ Dimitri Neonakis ໃຫ້ຮູ້ວ່າ ເຂົາໄດ້ເລືອກເອົາຮູບຊູກຳປັ້ນ ເປັນສັນຍາລັກໃຫ້ແກ່ຂະບວນການຕໍ່ສູ້ຕ້ານການຈຳແນກເຊື້ອຊາດ. Dimitri Neonakis ກ່າວວ່າ: “ພວກເຮົາທຸກຄົນຕ້ອງອອກມາກ່າວປະນາມ ເພື່ອຢູດຕິການຈຳແນກເຊື້ອຊາດ”.
Dimitri Neonakis ໄດ້ວາດພາບດ້ວຍອຸປະກອນເຄື່ອນທີ່ ເປັນຮູບຊູກຳປັ້ນ ດ້ວຍອຸປະກອນເຄື່ອນທີ່ ຫຼັງຈາກນັ້ນໃຊ້ເຮືອບິນບິນໄປຕາມເສັ້ນແຕ້ມ, ໃຊ້ເວລາ 2 ຊົ່ວໂມງເຄິ່ງດ້ວຍຄວາມໄວ 240km/h ຈຶ່ງແຕ້ມສຳເລັດ.
“ຂ້ອຍຕ້ອງອອກມາກ່າວປະນາມດ້ວຍການແຕ້ມຮູບພາບຊູກຳປັ້ນ ຢູ່ເທິງອາກາດ…ຂ້ອຍກະທຳແບບນີ້ແມ່ນເພື່ອຜູ້ຄົນທີ່ຖືກກົດຂີ່ຂູດຮິດ”.
ຂະບວນການປະທ້ວງໄດ້ລຸກລາມໄປທົ່ວສະຫະລັດ ພາຍຫຼັງ Floyd ເສຍຊີວິດ ແລະ ຍັງລຸກລາມບານປາຍໄປຫຼາຍປະເທດໃນໂລກຕື່ອີກ.
ຂ່າວ: ລູກເມືອງພວນ(ແຫຼ່ງຂ່າວ vnexpress.net)
