ໄລຍະໂຄວິດ-19 ສະຫະລັດສູນເສຍມູນຄ່າທາງເສດຖະກິດເຖິງ 8.000 ຕື້ໂດລາ ແລະ ຈະຕ້ອງໃຊ້ເວລາ 10 ປີ ເພື່ອຟື້ນຟູຄືນ
CBO ພະຍາກອນວ່າ, ໄລຍະໂຄວິດ-19 ນັ້ນ ມູນຄ່າທາງເສດຖະກິດຂອງສະຫະລັດເສຍຫາຍເຖິງ 8.000 ຕື້ໂດລາ ໃນທົດສະຫວັດນີ້, ຫຼຸດລົງປະມານ 3% ຖ້າທຽບໃສ່ການພະຍາກອນຄັ້ງກ່ອນໜ້ານັ້ນ ກ່ອນທີ່ຈະມີພະຍາດລະບາດຂຶ້ນ.
ການໃຊ້ຈ່າຍເຂົ້າໃນຄ່າໃຊ້ສອຍຈະສືບຕໍ່ຫຼຸດລົງ ອັນເນື່ອງມາຈາກອັດຕາຫວ່າງງານເພີ່ມຂຶ້ນ. ຊາວອາເມລິກາຫຼາຍຄົນຕົກງານ ແລະ ຈະໄດ້ກັບຄືນໄປເຮັດວຽກໃນເມື່ອລັດຕ່າງໆເລີ່ມເປີດປະຕູໃນລະດູແລ້ງນີ້ເທົ່ານັ້ນ. ບັນດານັກຊ່ຽວຊານຂອງ CBO ພະຍາກອນວ່າ ສະຫະລັດຈະຕ້ອງເສຍເວລາເຖິງ 10 ປີ ເພື່ອໃຫ້ອັດຕາສ່ວນວຽກເຮັດງານທຳກັບຄືນມາເປັນປົກກະຕິຄືກັນກັບກ່ອນພະຍາດຈະລະບາດຂຶ້ນ.
ອີງຕາມການຕີລາຄາຂອງ CBO , ສະພາຂອງສະຫະລັດໄດ້ຜ່ານຍັດຕີສະບັບໜຶ່ງໃນທ້າຍເດືອນມີຖຸນາຜ່ານມານັ້ນແມ່ນເພື່ອໃຫ້ບັນດາໂຄງການຕ່າງໆໄດ້ກະຕຸ້ນມູນຄ່າເສດຖະກິດເພີ່ມຂຶ້ນເຖິງ 3,3 ພັນຕື້ໂດລາ ເພື່ອຊ່ວຍຟື້ນຟຸພາວະເສດຖະກິດຕົກຕໍ່າເທົ່ານັ້ນ.
ບົດລາຍງານສະບັບປັບປຸງຂອງ CBO ໃຫ້ຮູ້ວ່າ ບັນດາໂຮງຈັກໂຮງງານໃນສະຫະລັດອາເມລິກາ ແລະ ຢູ່ຕ່າງປະເທດຈະສືບຕໍ່ຫຼຸດມູນຄ່າການຜະລິດລົງ ແລະ ຈະຫຼຸດຈຳນວນກຳມະກອນລົງໃນເດືອນພຶດສະພາ, ເຖິງແມ່ນວ່າພາວະການຕົກຕໍ່າຈະຊ້າລົງໃນເມື່ອລັດຖະບານຈະປົດລ໊ອກແລ້ວກໍຕາມ.
ຂ່າວ: ລູກເມືອງພວນ(ແຫຼ່ງຂ່າວ https://baoquocte.vn)
