ແຮງງານໂລກຕົກງານຫລາຍທີ່ສຸດຫລັງໂຄວິດ-19 ລະບາດ
ໄອແອວໂອ ລາຍງານໃຫ້ຮູ້ວ່າ: ປັດຈຸບັນ 13,6% ຂອງປະຊາກອນລຸ້ນໜຸ່ມສາວໃນທົ່ວໂລກ 267 ລ້ານຄົນ, ຍັງບໍ່ມີວຽກເຮັດງານທຳ ຫລື ບໍ່ໄດ້ຮັບການຝຶກຝົນ ແລະ ການສຶກສາພາຍໃນທ້າຍປີນີ້ ແລະ ຄົນລຸ້ນໃໝ່ກຸ່ມນີ້ຖືກເລິກຈ້າງງານໃນອັດຕາທີ່ໄວກວ່າ ແລະ ຫລາຍກວ່າກຸ່ມອາຍຸອື່ນໆ ໃນສັງຄົມ.
ທ່ານ ໄອເດີ ຜູ້ອຳນວຍການຂອງໄອແອວໂອ ກ່າວວ່າ: ຜົນກະທົບທີ່ເກີດຂຶ້ນຢູ່ຕະຫລາດແຮງງານຂອງຄົນໜຸ່ມສາວຊຶ່ງເຄີຍເກີດຂຶ້ນເມື່ອຊ່ວງວິກິດການເງິນ ປີ2008 ໂດຍແຮງງານຍິງລຸ້ນໃໝ່ ຄືກຸ່ມທີ່ໄດ້ຮັບຜົນກະທົບຈາກວິກິດໂຄວິດ-19 ຫລາຍກວ່າແຮງງານຊາຍ ແລະ ມີໂອກາດທີ່ຄົນລຸ້ນໃໝ່ເຫລົ່ານີ້ຈະຖືກອອກຈາກຕະຫລາດແຮງງານໃນໄລຍະຍາວ ເນື່ອງຈາກບໍ່ໄດ້ຮັບໂອກາດທາງການສຶກສາໃນໄລຍະທີ່ເກີດລ໋ອກດາວ ໝາຍຄວາມວ່າຈະເກີດການຂາດແຄນແຮງງານທີ່ມີຄຸນນະພາບສຳລັບການຟື້ນຟູເສດຖະກິດຫລັງໂຄວິດ-19 ລະບາດ.
ໄອແອວໂອ ລະບຸວ່າ: ມີຫລັກຖານຊັດເຈນວ່າ ຫລາຍກວ່າເຄິ່ງໜຶ່ງຂອງຄົນໜຸ່ມສາວທົ່ວໂລກມີຄວາມສ່ຽງທີ່ຈະເກີດອາການຕົກໃຈ ຫລື ຊຶມເສົ້າຈາກພາວະການລະບາດໃຫຍ່ຄັ້ງນີ້ , ເຊິ່ງລັດຖະບານປະເທດຕ່າງໆ ຄວນຍື່ນມືເຂົ້າມາຊ່ວຍໃນການວາງນະໂຍບາຍຊ່ວຍເຫລືອຄົນໜຸ່ມສາວທີ່ຕົກວຽກ ທັງທາງດ້ານການສຶກສາ, ການຝຶກງານ ແລະ ດ້ານສຸຂະພາບຈິດນຳດ້ວຍ.
