“ໂບອິ້ງ” ປະກາດປົດພະນັກງານ 6.000 ກວ່າຄົນ
May 28, 2020 - 2:44 PM
ບໍລິສັດ ໂບອິ້ງ ປະກາດປົດພະນັກງານ 6.770 ຄົນ ໃນວັນທີ 27 ພຶດສະພາ, ຂະນະທີ່ອຸດສາຫະກຳການບິນໄດ້ຮັບຜົນກະທົບຈາກມາດຕະການລ໋ອກດາວຂອງລັດຖະບານ ເຊິ່ງເຮັດໃຫ້ມີການຈຳກັດການເດີນທາງລະຫວ່າງປະເທດເພື່ອສະກັດການແຜ່ລະບາດຂອງໄວຣັສໂຄວິດ-19.
ນອກຈາກນີ້ ໂບອິ້ງ ໃຫ້ຮູ້ວ່າ: ບໍລິສັດໄດ້ອະນຸມັດໃຫ້ພະນັກງານຈຳນວນ 5.520 ຄົນໃນສະຫະລັດອາເມລິກາລາອອກຕາມໂຄງການລາອອກໂດຍສະຫມັກໃຈ.
ກ່ອນໜ້ານີ້ ໂບອິ້ງປະກາດວ່າຈະຫລຸດພະນັກງານຈຳນວນ 10% ຜ່ານທາງໂຄງການລາອອກໂດຍສະຫມັກໃຈ ແລະ ການປົດອອກຈາກວຽກ.
ຂະນະນີ້ ໂບອິ້ງມີພະນັກງານທັງໝົດຫລາຍກວ່າ 160.000 ຄົນ.
