ແຜ່ນກາວຕິດໜັງ ວັດແທກອຸນຫະພູມຮ່າງກາຍເພື່ອຊອກຫາເຊື້ອໄວຣັສໂຄວິດ-19
May 27, 2020 - 6:20 PM
ໂດຍ: ລູກເມືອງພວນ
ກຸ່ມບໍລິສັດເທັກໂນໂລຢີ ຂອງສະຫະລັດອາເມລິກາ ໄດ້ຄົ້ນຄວ້າ ແລະ ພັດທະນາແຜ່ນກາວຕິດໜັງ ວັດແທກອຸນຫະພູມຮ່າງກາຍ ເພື່ອຊອກຫາເຊື້ອໄວຣັສໂຄວິດ-19.
ແຜ່ນກາວດັ່ງກ່າວ ຖືກອອກແບບມາເປັນພິເສດດ້ວຍແຜ່ນຊີບຈາກໂຮງງານຜະລິດຊີບແຫ່ງໜຶ່ງໃນລັດ Minnesota.
ແຜ່ນກາວຈະຖືກຕິດເຂົ້າກັບໜັງຄົນ ແລະ ຕໍ່ໃສ່ສະມາດໂຟນໂດຍສັນຍານອີເລັກໂຕຣນິກ ເພື່ອຕິດຕາມອຸນຫະພູມຂອງຮ່າງກາຍຂອງຜູ້ທີ່ນຳໃຊ້ມັນ.
ບັນດາບໍລິສັດດັ່ງກ່າວມີແຜນຈະນຳໃຊ້ປັນຍາປະດິດ ເພື່ອວິເຄາະສັນຍານເຕືອນຈາກການໄອ ເພື່ອຊອກຫາເຊື້ອພະຍາດໂຄວິດ-19.
ຜົນໄດ້ຮັບຈາກການວິເຄາະ ຈະຖືກນຳເຂົ້າສູ່ລະບົບເຊັນເຊີ່ ເພື່ອຊອກຫາເຊື້ອໄວຣັສ ເພື່ອສະກັດກັ້ນການແຜ່ລະບາດໃຫ້ຊ້າລົງ.
ບັນດານັກຊ່ຽວຊານມີຄວາມຫວັງວ່າ ແຜ່ນກາວດັ່ງກ່າວຈະຖືກຜະຢ່າງກວ້າງຂວາງໃນບໍ່ດົນນີ້ເພື່ອຮັບໃຊ້ສັງຄົມ.
