ອູເບີ ປະກາດປົດພະນັກງານ 3.000 ຄົນ ປິດສຳນັກງານ 45 ແຫ່ງທົ່ວໂລກຍ້ອນໂຄວິດ-19
May 20, 2020 - 4:03 PM
ອູເບີ ເຕັກໂນໂລຊີ ອິງ ເຊິ່ງເປັນບໍລິສັດສະຫະລັດອາເມລິກາ ທີ່ໃຫ້ບໍລິການໂດຍສານຜ່ານແອຟພິເຄຊັນ ປະກາດປົດພະນັກງານ 3.000 ຄົນ ເນື່ອງຈາກໄດ້ຮັບຜົນກະທົບຈາກການແຜ່ລະບາດຂອງ ໂຄວິດ-19.
ນອກຈາກນີ້ ໃນອີເມວທີ່ມີການສົ່ງເຖິງພະນັກງານ ທ່ານ ດາຣາ ຄອສໂຣວຊາຮີ ປະທານເຈົ້າໜ້າທີ່ບໍລິຫານຂອງອູເບີ ຍັງລະບຸວ່າ ອູເບີຈະປິດສຳນັກງານຈຳນວນ 45 ແຫ່ງທົ່ວໂລກ ລວມທັງຈະຢຸດຕິທຸລະກິດບາງຢ່າງເຊັ່ນ: ການຂົນສົ່ງສິນຄ້າ.
ກ່ອນໜ້ານີ້ ອູເບີປະກາດປົດພະນັກງານ 3.700 ຄົນໃນວັນທີ 6 ພຶດສະພາ ໂດຍລະບຸເຖິງຜົນກະທົບຈາກການແພ່ລະບາດຂອງໄວຣັສໂຄວິດ-19.
ທັງນີ້ ການປົດພະນັກງານທັງ 2 ຮອບ ສົ່ງຜົນໃຫ້ອູເບີເຫລືອພະນັກງານ 20.000 ຄົນທົ່ວໂລກ.
ຂໍຂອບໃຈຂໍ້ມູນ: istock
