50 ຄົນຢາກສະຫລະປອດຂອງຕົນໃຫ້ນັກບິນຊາວອັງກິດຕິດເຊື້ອໂຄວິດ-19 ທີ່ມີອາການໜັກໜ່ວງ
May 18, 2020 - 1:38 PM
ໂດຍ: ລູກເມືອງພວນ
ສູນບໍລິການ ແລະ ປ່ຽນຖ່າຍອະໄວຍະວະແຫ່ງຊາດຫວຽດນາມໃຫ້ຮູ້ວ່າ: ມີ 50 ຄົນ (ມີອາຍຸແຕ່ 21 ປີ ຫາ 71 ປີ) ຢາກສະຫລະປອດຂອງຕົນໃຫ້ແກ່ຜູ້ຕິດເຊື້ອໂຄວິດ-19 ກໍລະນີ 91 ນັກບິນຊາວອັງກິດ ທີ່ມີອາການໜັກໜ່ວງຢູ່ໃນຂະນະນີ້ ທີ່ມີປອດພຽງ 10% ຍັງເຄື່ອນໄຫວໄດ້ເທົ່ານັ້ນ.
ທົ່ວໂລກໃນປັດຈຸບັນມີພຽງ 3 ກໍລະນີເທົ່ານັ້ນທີ່ມີການປ່ຽນຖ່າຍປອດໃຫ້ຜູ້ຕິດເຊື້ອໂຄວິດ-19 ທີ່ມີຜົນສຳເລັດ. ໃນນັ້ນ ຫວຽດນາມກໍສາມາດປ່ຽນຖ່າຍປອດໄດ້ເຊັ່ນດຽວກັນ.
ປັດຈຸບັນ, ສູນດັ່ງກ່າວກຳລັງລໍຖ້ການຕົກລົງຂອງສະພາການແພດຂອງກະຊວງສາທາລະນະສຸກ ເພື່ອຜ່າຕັດປ່ຽນຖ່າຍປອດຢູ່.
