ເຈົ້າຮູ້ແລ້ວບໍ? ເວລາໃດຜູ້ປ່ວຍ ຈຶ່ງຈະໄດ້ອອກໂຮງໝໍ?
ໂດຍ: ລູກເມືອງພວນ
ຜູ້ຕິດເຊື້ອ ໂຄວິດ-19 ຈະໄດ້ອອກໂຮງໝໍກໍຕໍ່ເມື່ອຄົບ 3 ເງື່ອນໄຂລຸ່ມນີ້:
- ເຊົາໄຂ້ໄດ້ 3 ວັນ
- ອາການດີຂື້ນ ແລະ ກັບສູ່ສະພາບເດີມ, ບັນດາອະໄວຍະວະໃນຮ່າງກາຍເຮັດວຽກເປັນປົກກະຕິ, ການກວດເລືອດແມ່ນຢູ່ໃນສະພາບປົກກະຕິ, ປອດໄດ້ຮັບການຟື້ນຟູໃຫ້ດີຂື້ນ.
- ຢ່າງໜ້ອຍຕ້ອງມີການກວດຫາເຊື້ອ 2 ຢ່າງຄື: ທ້ອງບິດ ແລະ ຮູຄໍ ເຊິ່ງຈະເອົາຕົວຢ່າງທັງສອງນີ້ຫ່າງກັນ 24 ຊົ່ວໂມງ ແລະ ບໍ່ມີຜົນລົບ.
ພາຍຫຼັງອອກຈາກໂຮງໝໍແລ້ວ, ຜູ້ປ່ວຍຍັງຈະສືບຕໍ່ກັກຕົວຢູ່ໃນເຮືອນອີກເປັນເວລາ 14 ວັນ ແລະຕ້ອງໄດ້ລາຍງານໃຫ້ສູນຄວບຄຸມພະຍາດໃນທ້ອງຖິ່ນ, ພາກສ່ວນທ່ານໝໍ ແລະ ອຳນາດການປົກຄອງທ້ອງຖິ່ນຮັບຊາບເພື່ອຕິດຕາມຜູ້ທີ່ອອກໂຮງໝໍນັ້ນຕໍ່ໄປ. ຜູ້ປ່ວຍຄວນຢູ່ໃນຫ້ອງສະເພາະທີ່ມີອາກາດປອກໂປ່ງ, ໃສ່ໜ້າກາກອານາໄມ, ລ້າງມືກ່ອນຮັບປະມານອາຫານ, ຫຼຸດຜ່ອນການໃກ້ສິດຕິດແທດກັບສະມາຊິກໃນຄອບຄົວ, ວັດແທກອຸນຫະພູມຮ່າງກາຍ 2 ຄັ້ງ/ວັນ. ກໍລະນີອຸນຫະພູມສູງກວ່າ 35,7 ອົງສາ C ສອງຄັ້ງຕິດຕໍ່ກັນ ຫຼື ໃນກໍລະນີມີອາການຜິດປົກກະຕິ, ຜູ້ປ່ວຍຈະຕ້ອງໄດ້ໄປກວດນຳແພດໝໍທັນທີ.
ພາຍຫຼັງປິ່ນປົວດີແລ້ວຈະກັບຄືນຕິດເຊື້ອໄດ້ບໍ່?
ມາເຖິງປະຈຸບັນຍັງບໍ່ທັນມີຜົນງານຄົ້ນຄວ້າ ແລະ ຮັບຮອງທາງວິທະຍາສາດໃດໆຕໍ່ກັບການກັບຄືນມາຕິດເຊື້ອໂຄວິດ-19 ອີກຄັ້ງ, ແຕ່ຢ່າງໃດກໍຕາມ ຜົນງານການຄົ້ນຄວ້າໜື່ງຢູ່ແຂວງກວາງຕຸົ່ງປະເທດຈີນໃຫ້ຮູ້ວ່າ: ຜູ້ທີ່ໄດ້ຮັບການປິ່ນປົວດີແລ້ວກັບມາຕິດເຊື້ອຄືນໃໝ່ມີພຽງ 14% ເທົ່ນນັ້ນ.
ເຖິງຢ່າງໃດກໍຕາມ, ມາເຖິງປະຈຸບັນຍັງບໍ່ທັນໄດ້ຄົ້ນພົບສາເຫດທີ່ແທ້ຈິງທີ່ພາໃຫ້ຕິດເຊື້ອຄືນໃໝ່. ມີພຽງແຕ່ວົງການແພດໃຫ້ຮູ້ວ່າອາດຈະເປັນຍ້ອນເວລາອອກຈາກໂຮງໝໍນັ້ນອາການຂອງຜູ້ປ່ວຍບໍ່ທັນດີຂາດຕົວແທ້.
