ສູນກາງພັກຈີນໄດ້ເອົາໃຈໃສ່ຕໍ່ວິສາຫະກິດຂະໜາດນ້ອຍ ແລະ ກາງ ເພື່ອຟື້ນຟູການຜະລິດ

ໃນວັນທີ 29 ມີນານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ໄດ້ລົງໄປສຳຫຼວດເບິ່ງແຂວງເຈີ້ຈ່ຽງ ແລະ ສູນການບໍລິການຄຸ້ມຄອງເຂດນິຄົມອາໄຫຼ່ລົດຍົນເຕັກນິກຂັ້ນສູງເປີຍລຸນຕ້າຊີ້ນະຄອນນີງປົ່ວ, ທ່ານ ສີຈິ້ນຜິງ ໄດ້ໂອ້ລົມກັບຜູ້ຕາງໜ້າວິສາຫະກິດຂະໜາດກາງ ແລະນ້ອຍ. ທ່ານກ່າວວ່າ: ໃນການຕ້ານກັບພະຍາດ COVID-19, ກຸ່ມຄົນ, ວິສາຫະກິດ ແລະ ຂະແໜງການຕ່າງໆລ້ວນແຕ່ໄດ້ຮັບຜົນກະທົບ. ໂດຍສູນກາງພັກກອມມູນິດໄດ້ເອົາໃຈໃສ່ຕໍ່ວິສາຫະກິດຂະໜາດນ້ອຍ ແລະ ກາງ, ໄດ້ອອກນະໂຍບາຍຢ່າງເປັນລະບົບ ທີ່ສອດຄ່ອງກັບສະພາບການປ້ອງກັນພະຍາດ ເພື່ອຫຼີກເວັ້ນຜົນກະທົບຢ່າງໜັກໜ່ວງທີ່ມີຕໍ່ວິສາຫະກິດດັ່ງກ່າວໃຫ້ສາມາດພັດທະນາໃໝ່ໄດ້.