ສາທາລະນະສຸກເຕືອນນໍາໃຊ້ ເຄື່ອງກວດໄວພະຍາດໂຄວິດ-19
March 20, 2020 - 3:37 PM
ລັດຖະມົນຕີ ກະຊວງສາທາລະນະສຸກ ໄດ້ອອກມາເຕືອນສັງຄົມ ແລະ ບັນດາສະຖານທີ່ບໍລິການສາທາລະນະສຸກ ຫ້າມນໍາເຂົ້າ, ຈໍລະຈອນຈໍາໜ່າຍ ແລະ ນໍາໃຊ້ເຄື່ອງທົດສອບແບບໄວ (Rapid Test) ເພື່ອຊອກຫາເຊື້ອພະຍາດ COVID-19, ຖ້າລະເມີດຈະຖືກກ່າວເຕືອນ ແລະ ລົງໂທດຕາມລະບຽບກົດ ໝາຍ. ເນື່ອງຈາກເຄື່ອງກວດປະເພດນີ້, ຍັງບໍ່ສາມາດຮັບປະກັນເຖິງຄວາມຖືກຕ້ອງຂອງການບົ່ງມະຕິພະຍາດ, ເຊິ່ງການກວດຫາເຊື້ອພະຍາດດັ່ງກ່າວ ຕ້ອງໃຊ້ເວລາ ແລະ ດຳເນີນໄປຕາມຂັ້ນຕອນ. ສະນັ້ນ, ຈິ່ງຮຽກຮ້ອງໃຫ້ທຸກພາກສ່ວນເອົາໃຈໃສ່ ປະຕິບັດຕາມການແນະນໍາມາດຕະການປ້ອງກັນພະຍາດ COVID-19 ຂອງກະຊວງສາທລະນະສຸກໃຫ້ເຂັ້ມງວດ.
