COVID-19 ກະທົບໜັກ ຫຼາຍຊາດຍົກເລີກການເກັບຕົວນັກກີລາ, ງານມະຫາກຳກີລາໂອລິມປິກ ໂຕກຽວເກມ 2020
ຫຼັງຈາກທີ່ປະເທດຢີ່ປຸ່ນ
ໄດ້ຮັບຜົນກະທົບຢ່າງຮ້າຍແຮງຈາກເຊື້ອໄວຣັສ COVID-19 ລະບາດ, ຫຼ້າສຸດແຄ້ມເກັບຕົວ
ກຽມທີມທີ່ຈະເຂົ້າຮ່ວມງານ ມະຫາກຳກີລາໂອລິມປິກເກມ 2020 ແລະ ພາຣາລິມປິກເກມ 2020
ຂອງຊາດຕ່າງໆ ໄດ້ພາກັນຍົກເລີກກັນເປັນຈຳນວນຫຼາຍ ເຊັ່ນ: ທີມກີລາປິ່ງປອງ ທີມຊາດ
ໂຄລົມເບຍ ທີ່ວາງແຜນຈະໄປເກັບຕົວຝຶກຊ້ອມທີ່ເມືອງຄິຕະຄິວຊູ, ທີມວິວແຊບານບ້ວງ ອັງກິດ
(ກີລາພາຣາລິມປິກຄົນພິການ) ທີ່ເມືອງອຸຣາຢາສຶ, ທີມຍິມນັດຕິກ ສປ.ຈີນ ທີ່ເມືອງຊາບາເອະ
ແລະ ອີກຫຼາຍຊະນິດກີລາ ໄດ້ຖືກຍົກເລີກໄປທັ້ງໝົດ.
ສາເຫດທີ່ຍົກເລີກການເກັບຕົວນັ້ນ
ເພາະຄວາມປອດໄພຂອງຊາດຕົວເອງ ທີ່ອາດຈະຕິດເຊື້ອໄວຣັສ COVID-19 ແລະ
ຍັງບໍ່ມີຄວາມແນ່ນອນວ່າ ໂຕກຽວເກມ 2020 ຈະຍັງຄົງຈັດການແຂ່ງຂັນໃນຄັ້ງນີ້ ໄດ້ຕາມກຳນົດເດີມຫຼືບໍ່ຄື
24 ກໍລະກົດ ເຖີງ 9 ສິງຫານີ້.
ພ້ອມນີ້ ຄະນະກຳມະການຈັດການແຂ່ງຂັນກີລາໂອລິມປິກເກມ 2020
ຂອງຢີ່ປຸ່ນ ໄດ້ຮ່ວມມືກັບທ້ອງຖິ່ນໃນການໃຫ້ຊາດຕ່າງໆ ມາເກັບຕົວຝຶກຊ້ອມກ່ອນການແຂ່ງຂັນໃນແຂວງຕ່າງໆ
ເພື່ອຈະໃຫ້ໄດ້ແຂ່ງຂັນຕາມກຳໜົດເດີມ.
