ນັກສະແດງທີ່ມີຊື່ສຽງລາງວັນອອສກາ ທອມແຮັງ ແລະ ພັນລະຍາ ຢືນຢັນຕິດເຊື້ອໂຄວິດ-19
March 12, 2020 - 10:32 AM
ໜັງສືພິມ ເດີນິວຍອກທາມ ລາຍງານວ່າ: ທອມແຮັງ ນັກສະແດງທີ່ມີຊື່ສຽງ ລາງວັນອອສກາ ອາຍຸ 63 ປີ ແລະ ພັນລະຍາ ຣິຕ້າ ວິລສັນ ອອກມາຖະແຫລ່ງຂ່າວຕໍ່ສື່ມວນຊົນວ່າ: ຕົນເອງທັງສອງຄົນມີອາການເມື່ອຍ, ເປັນຫວັດ, ໄອ, ເປັນໄຂ້ ແລະ ຮູ້ສຶກປວດເມື່ອຍຕາມຕົນຕົວ, ຈຶ່ງໄດ້ໄປກວດຢູ່ໂຮງໝໍແຫ່ງໜຶ່ງ ແລະ ພົບວ່າທັງສອງຕິດເຊື້ອໄວຣັສໂຄວິດ-19 ແທ້ໆ ໃນລະຫວ່າງການເດີນທາງໄປຖ່າຍທຳຮູບເງົາເລື່ອງໃໝ່ຢູ່ອົດສະຕຣາລີ.
ທອມແຮັງ ໃຫ້ຮູ້ອີກວ່າ: ຕົນ ແລະ ພັນລະຍາຈະເຂົ້າໄປກວດສອບອີກ ແລະ ເຝົ້າລະວັງອາການ ພ້ອມແຍກຕົວອອກມາ ເພື່ອປ້ອງກັນການແຜ່ລະບາດເຊື້ອດັ່ງກ່າວໃຫ້ແກ່ຄົນອື່ນ.
