ເຈົ້າຂອງທີມ ນ໊ອດຕິ້ງແຮມ ຟໍເຣສ ຕິດເຊື້ອໄວຣັສ COVID-19

ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ:​ ເອວານເຈລອສ ມາຣິນາຄິສ ປັດຈຸບັນອາຍຸ 52 ເຈົ້າຂອງສະໂມສອນ ນ໊ອດຕິ້ງແຮມ ຟໍເຣສ ທີມໃນ ເດິ ແຊ້ມປ້ຽນຊິບ (ລີກຮອງຂອງພຣີເມຍລີກ) ແລະ ຍັງເປັນເຈົ້າຂອງສະໂມສອນ ໂອແລມເປຍກອສ ທີມຊັ້ນນໍາໃນລີກເກຣັກອອກມາຢືນຢັນວ່າ: ຕົວເອງຕິດເຊື້ອໄວຣັສ COVID-19 ແລະ ກໍາລັງຮັກສາຕາມຄໍາສັ່ງຂອງໝໍຢ່າງເຄັ່ງຄັດ.

ກ່ອນທີ່ຈະມີແຟນບານຫຼາຍຄົນເຂົ້າຮ່ວມສົ່ງກໍາລັງໃຈໃຫ້ ເອວານເຈລອສ ມາຣິນາຄິສ, ກ່ອນໜ້ານີ້ ລັດຖະບານເກຣັກ ສັ່ງໃຫ້ການແຂ່ງຂັນບານເຕະ ຢູໂຣປາ ລີກ ຮອບ 19 ທີມສຸດທ້າຍນັດທໍາອິດທີ່ ໂອແລມເປຍກອສ ຈະເປີດບ້ານຮັບການມາຢາມຂອງ ວູຟແຮມຕັນ ທີມຈາກອັງກິດ ໃນວັນພະຫັດທີ 12 ມີນານີ້ ຕ້ອງແຂ່ງຂັນແບບປິດ (ຫ້າມແຟນບານເຂົ້າຊົມ)