ໂຣນັນດີນໂຢ ອາດຖືກຈຳຄຸກ 6 ເດືອນເພື່ອລໍຖ້າຄຳຕັດສິນຂອງສານ..!

ຈາກກໍລະນີ ໂຣນັນດີນໂຢ ຕຳນານນັກເຕະທີມຊາດເບຣຊິນ ກັບອ້າຍຂອງລາວ ທີ່ເດີນທາງໄປຍັງປະເທດປາຣາກວາຍ ແຕ່ໃຊ້ໜັງສືເດີນທາງປອມເພື່ອເຂົ້າປະເທດດັ່ງດກ່າວ ເນື່ອງຈາກວ່າຍັງມີຄະດີເກົ່າຕິດຕົວຢູ່ຄືຄະດີບຸກລຸກທີ່ດິນ ຕ້ອງໄດ້ເສຍຄ່າປັບໄໝໃຫ້ກັບລັດຖະບານ ຈຶ່ງຖືກຍຶດໜັງສືເດີນທາງ.

    ເມື່ອ ໂຣນັນດີນໂຢ ຖືກເຈົ້າໜ້າທີ່ຈັບຂໍ້ຫາໃຊ້ໜັງສືເດີນທາງປອມເຂົ້າປະເທດປາຣາກວາຍ, ໂດຍໄລຍະເວລາການຕໍ່ສູ້ຄະດີອາດຈະແກ່ຍາວເຖີງ 6 ເດືອນເຊີ່ງຕ້ອງເຮັດໃຫ້ ໂຣນັນດີນໂຢ ຕ້ອງຖືກກັກໂຕຢູ່ໃນຄຸກປະເທດປາຣາກວາຍ ເພື່ອລໍຖ້າຄຳຕັດສິນຂອງສານ.

    ຂະນະດຽວກັນ ທະນາຍຂອງ ໂຣນັນດີນໂຢ ເຄີຍໄດ້ຢື່ນຂໍປະກັນຕົວໄປແລ້ວ ແຕ່ກໍ່ຖືກສານປະຕິເສດໄປ ເພາະວ່າຢ້ານ ໂຣນັນດີນໂຢ ລົບໜີອອກນອກປະເທດ, ເຖີງຢ່າງໃດກໍ່ຕາມຄາດວ່າ ຈະມີການຢື່ນເລື່ອງອຸທອນປະກັນຕົວ ໂຣນັນດີນໂຢ ອີກຄັ້ງເພື່ອໃຫ້ໄດ້ໃຊ້ຊີວິດແບບປົກກະຕິໃນລະຫວ່າງລໍຖ້າຄຳຕັດສິນຂອງສານ.