ຫາກວ່າໄວຣັສ COVID-19 ຍັງບໍ່ຢຸດແຜ່ລະບາດໂຕກຽວ ໂອລິມປິກ 2020 ອາດຈະຖືກຍົກເລີກ..!
February 28, 2020 - 12:03 PM
ສະມາຊິກລະດັບອາວຸໂສຂອງຄະນະກຳມະການໂອລິມປິກສາກົນ (IOC) ໄດ້ອອກມາຖະແຫລງໃຫ້ຮູ້ວ່າ: ການແຂ່ງຂັນກີລາໂອລິມປິກ 2020 ຈະມີຂື້ນໃນເດືອນ ກໍລະກົດທີ່ຈະມາເຖີງນີ້, ທີ່ນະຄອນຫຼວງໂຕກຽວ ປະເທດຍີ່ປຸ່ນ ມີຄວາມສ່ຽງຕໍ່ການຕິດເຊື້ອໄວຣັສ COVID-19 ອາດຈະຖືກຍົກເລິກຫຼາຍກວ່າເລື່ອນການແຂ່ງຂັນ.
ສາເຫດທີ່ (IOC) ໄດ້ອອກມາປະກາດວ່າ ອາດຈະຍົກເລິກຫຼາຍກວ່າຈັດງານການແຂ່ງຂັນໂອລິມປິກ
ໂຕກຽວ 2020 ໃນຄັ້ງນີ້ເພາະມີຄວາມສ່ຽງຕໍ່ການຕິດເຊື້ອໄວຣັສ COVID-19, ໂດຍໃນພາບລວມຄວາມກັງວົນຂອງເຈົ້າພາບຍີ່ປຸ່ນຕອນນີ້ຄື
ຕ້ອງໄດ້ເຮັດວຽກໜັກກວ່າເກົ່າເພື່ອປ້ອງກັນ ແລະ ຮັກສາ,ຫລຸດຜ່ອນຄວາມສ່ຽງຕໍ່ການຕິດເຊື້ອຂອງໄວຣັສດັ່ງກ່າວ.
ຫາກວ່າ ໂຕກຽວ ໂອລິມປິກ 2020 ຖືກຍົກເລີກແທ້, ຈະກາຍເປັນຄັ້ງທຳອິດທີ່ມີການຍົກເລີກການແຂ່ງຂັນເພາະໂລກລະບາດ, ເນື່ອງຈາກວ່າໃນອະດີດການແຂ່ງຂັນກີລາໂອລິມທີ່ຖືກຍົກເລີກໄປເພາະເຫດການສົງຄາມໂລກ.
