ທົ່ວປະເທດລາວມີກໍລະນີສົງໄສຕິດເຊື້ອໄວຣັສໂຄໂລນາ 11 ກໍລະນີ
February 4, 2020 - 3:55 PM
ພາຍຫລັງໄດ້ມີລາຍງານວ່າ: ມີການແຜ່ລະບາດພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (Novel Corona Virus-nCOV) ຢູ່ເມືອງອູຫັ້ນ, ແຂວງຫູເປີ່ຍ ສປ ຈີນ. ເຊິ່ງນັບແຕ່ວັນທີ 15 ມັງກອນ ຫາ ວັນທີ 2 ກຸມພາໃນທົ່ວປະເທດລາວມີກໍລະນີສົງໄສຕິດເຊື້ອໄວຣັສໂຄໂລນາ 11 ກໍລະນີ, ໃນນັ້ນຢູ່ນະຄອນຫລວງວຽງຈັນມີ 9 ກໍລະນີ, ແຂວງບໍ່ແກ້ວ ມີ 2 ກໍລະນີ, ອຸດົມໄຊ ມີ 1 ກໍລະນີ ແລະ ສະຫວັນນະເຂດ (ທັງໝົດມີຄົນຈີນ 4 ຄົນ ແລະ ຄົນລາວ 9 ຄົນ), ເຊິ່ງໄດ້ຮັບການສອບສວນ ແລະ ຕົວຢ່າງມາກວດຢັ້ງຢືນທັງໝົດ 13 ຕົວຢ່າງ, ເຊິ່ງໃຫ້ຜົນລົບ 11 ຕົວຢ່າງ (ບໍ່ຕິດເຊື້ອ) ແລະ ຍັງ 2 ຕົວຢ່າງທີ່ແມ່ນລໍຖ້າຜົນກວດຢູ່ ພ້ອມຈະແຈ້ງສັງຄົມໄດ້ຮັບຊາບອີກຄັ້ງໜຶ່ງ. ປັດຈຸບັນປະເທດລາວເຮົາຍັງບໍ່ມີຜູ້ຕິດເຊື້ອພະຍາດດັ່ງກ່າວ.
