ຢຸດບໍ່ຢູ່ແລ້ວ…! ລິເວີພູລສ້າງສະຖິຕິໃໝ່ເປັນທີມທີ່ທໍາຄະແນນໜີຫ່າງຄູ່ແຂ່ງຫຼາຍທີ່ສຸດໃນຮອບ 131 ປີຂອງບານເຕະພຣີເມຍລີກອັງກິດ
February 3, 2020 - 10:50 AM
ສະໂມສອນບານເຕະ ລິເວີພູລ ທີມຈ່າຝູງພຣີເມຍລີກອັງກິດໃນເວລານີ້
ໄດ້ສ້າງສະຖິຕິໃໝ່ຂຶ້ນມາ ດ້ວຍການເປັນທີມນໍາທີ່ມີຄະແນນໜີຫ່າງຄູ່ແຂ່ງຫຼາຍທີ່ສຸດ ໃນຮອບ
131 ປີຂອງວົງການບານເຕະອັງກິດ ຫຼັງຈາກນັດທີ່ແລ້ວຖະຫຼົ່ມ
ເຊົາແຮມຕັນ 4-0 ໃນວັນເສົາທີ 1 ກຸມພານີ້
ຈາກຜົນການແຂ່ງຂັນໃນນັດດັ່ງກ່າວເຮັດໃຫ້ ຫົງແດງ ລິເວີພູລ ລົງແຂ່ງຂັນໄປແລ້ວ 25 ນັດເກັບໄດ້ເຖິງ
73 ຄະແນນ ໜີຫ່າງ ແມນເຊັສເຕີ ຊິຕີ້ ທີມຮອງຈ່າຝູງອັນດັບ 2 ໄປເຖິງ 22 ຄະແນນນັບວ່າເປັນສະຖິຕິທີ່ສູງທີ່ສຸດໃນຮອບ
131 ປີຂອງບານເຕະພຣີເມຍລີກລີກອັງກິດ
ນອກຈາກນັ້ນ ຫົງແດງ ລິເວີພູລ ຍັງສ້າງສະຖິຕິເກັບໄປໄດ້ເຖີງ 100 ຈາກ 102 ຄະແນນຫຼັງສຸດໃນ ພຣີເມຍລີກອັງກິດ ໂດຍລະດູການນີ້ເຮັດໄດ້ 73 ຄະແນນຈາກ 75 ຄະແນນເຕັມ ມີພຽງນັດດຽວທີ່ບໍ່ສາມາດເກັບໄຊຊະນະໄດ້ຄືນັດທີ່ບຸກໄປສະເໝີກັບ ແມນເຊັສເຕີ ຢູໄນເຕັດ 1-1 ໃນເດືອນຕຸລາ 2019 ທີ່ຜ່ານມາ
