ກອງທັບກຳປູເຈຍໄດ້ຮັບການຊ່ວຍເຫລືອຈາກຈີນ 600 ລ້ານຢວນ
ຮຽບຮຽງໂດຍ: ລູກເມືອງພວນ
ໜັງສືພິມໄວໜຸ່ມ ຫວຽດນາມ ວັນທີ 25 ຕຸລາ ນີ້ອ້າງອີງຄຳໃຫ້ການ ຂອງລັດຖະມົນຕີກະຊວງປ້ອງກັນປະເທດ ກຳປູເຈຍ Tea Banh ວ່າ: ຈີນໃຫ້ ການຊ່ວຍເຫຼືອຕໍ່ກອງທັບ ກຳປູເຈຍ 600 ລ້ານຢວນ (ສະກຸນເງິນຈີນ)ເພື່ອຊ່ວຍ ຄວາມເຂັ້ມແຂງທາງການ ທະຫານຂອງກຳປູເຈຍ.
ນາຍ Banh ໃຫ້ຮູ້ວ່າ: ຂອງຂວັນດັ່ງກ່າວ ແມ່ນ ໄດ້ມາພາຍຫຼັງສິ້ນສຸດການຢ້ຽມຢາມຈີນເປັນທາງ ການ ໃນວັນທີ22 ຕຸລາ ນີ້(ໜັງສືພິມ Phnom Penh Post ລາຍງານ). “ຈີນໄດ້ຊ່ວຍເຫຼືອ 600 ລ້ານຢວນໃຫ້ກອງທັບ ກຳປູເຈຍ, ພວກເຮົາຈະໃຊ້ ເງິນຈຳນວນນີ້ເພື່ຶອຍົກສູງຄວາມອາດສາມາດດ້ານ ການທະຫານ” Banh ກ່າວຕໍ່ນັກຂ່າວ ໃນວັນທີ 23 ຕຸລາຢູ່ທີ່ເດີ່ນບິນສາ ກົນພະນົມເປັນ.
ນາຍ Banh ຢືນຢັນ ກັບ Phnom Penh Post ວ່າ: ຈີນຈະສືບຕໍ່ໃຫ້ການ ຊ່ວຍເຫຼືອແກ່ ກຳປູເຈຍ ເພື່ອຍົກລະດັບຄວາມສາມາດການປ້ອງກັນ, ທ່ານ ໃຫ້ຮູ້ຕື່ມອີກວ່າ: ກະຊວງປ້ອງກັນປະເທ ກຳປູເຈຍ ຈະໃຊ້ເງິນຈຳນວນນີ້ຊື້ອາວຸດທີ່ທັນສະໄໝ, ເສີມຂະຫຍາຍການຝຶກຊ້ອມ ແລະ ສ້າງພື້ນຖານໂຄງລ່າງ ໃຫ້ກອງທັບ. ໃນຂະນະທີ່ ຄວາມສຳພັນດ້ານການທະຫານລະຫ່ວາງຈີນ ແລະ ກຳປູເຈຍ ນັບມື້ແໜ້ນແຟ້ນ ແຕ່ການພົວພັນລະຫວ່າງກຳປູເຈຍ ກັບສະຫະລັດ ຫຼຸດລົງ. ກຳປູເຈຍໄດ້ຍົກ ເລີກແຜນການຊ້ອມຮົບ ຮ່ວມກັບສະຫະລັດ ແລະ ອົສຕາລີ ໃນປີ 2017 ແລະ 2018.
