ອິນເດຍໜັກໃຈ ໃນເມື່ອຕິດຕໍ່ຫາຍານທີ່ກຳລັງຈອດຢູ່ດວງຈັນບໍ່ໄດ້
ຮຽບຮຽງໂດຍ: ລູກເມືອງພວນ
ເວບໄຊ Sanook. com ຂອງໄທ, ວັນທີ 11 ກັນຍານີ້ໃຫ້ຮູ້ວ່າ: ໃນວັນທີ 8 ກັນຍາຜ່ານມາອິນເດຍ ໄດ້ສົ່ງຍານອາວະກາດຂຶ້ນ ໄປດວງຈັນແຕ່ສັນຍານຂາດຫາຍໄປ, ຍານວິກົມບໍ່ສາມາດຕິດຕໍ່ກັບຍານທີ່ລົງຈອດຢູ່ດວງຈັນກ່ອນນັ້ນ ບໍ່ໄດ້ໃນຂະນະທີ່ກຳລັງຕຽມລົງຈອດໃນດວງຈັນ ໄດ້ກາຍເປັນອຸປະສັກຄັ້ງໃຫຍ່ໃຂອງການສຳຫຼວດ ອາວະກາດຂອງອິນເດຍ.
ສຳນັກຂ່າວຕ່າງປະເທດລາຍງານວ່າ: ເຄສີ ວານປະທານອົງການວິ ໄຈອາວະກາດແຫ່ງອິນເດຍ (ISRO) ເປີດເຜີຍ ວ່າ:ຍານວິກົມຂອງຈັນທາຍານ 2 ເຊິ່ງມີພາລະກິດລົງຈອດ ຢູ່ດວງຈັນເປັນຄັ້ງທີສອງຂອງອິນເດຍໄດ້ຂາດການສື່ສານກັບສະຖານີພາກພື້ນດິນໃນລະດັບຄວາມສູງ 2.1 ກິໂລແມັດ ເໜືອພື້ນ ຜິວດວງຈັນ, ຈິ່ງເຮັດໃຫ້ອິນເດຍມີຄວາມໜັກໃຈເປັນຢ່າງຍິ່ງ.
“ອິນເດຍພາກພູມໃຈ ໃນຕົວນັກວິທະຍາສາດ ຂອງເຂົາ, ພວກເຂົາໄດ້ເຮັດວຽກຢ່າງດີທີ່ສຸດແລ້ວ, ນີ້ຄືຊ່ວງເວລາຕ້ອງເຂັ້ມແຂງໃນຂະນະທີ່ເປັນຢູ່. ປະທານ ອົງການໄດ້ແຈ້ງຂໍ້ມູນກ່ຽວກັບ ຈັນທາຍານ 2 ແລ້ວ, ເຮົາຍັງມີຄວາມຫວັງ ແລະ ຈະເຮັດວຽກດ້ວຍຄວາມ ຍາກລຳບາກຕໍ່ໄປສຳລັບໂຄງການອາວະກາດຂອງ ເຮົາ ” ໂມຣິກ່າວ./.
