ຟີລິບປິນ ຮຽກຮ້ອງໃຫ້ນັກຮຽນປູກຕົ້ນໄມ້ ໃຫ້ໄດ້ 10 ຕົ້ນ ກ່ອນຈະຈົບຊັ້ນມັດທະຍົມ
May 31, 2019 - 11:06 AM
ຮຽບຮຽງໂດຍ: ລູກເມືອພວນ
ອີງຕາມຂ່າວ Express ຂອງ ຫວຽດນາມ ວັນທີ 2 ພຶດສະພານີ້ໃຫ້ຮູ້ວ່າ: ວັນທີ 15 ພຶດສະພາຜ່ານມາ ຟີລິບປິນໄດ້ປະກາດໃຊ້ກົດໝາຍວ່າດ້ວຍ: “ ມໍລະດົກຈົບຊັ້ນ ເພື່ອສິ່ງແວດລ້ອມ ” . ກົດ ໝາຍດັ່ງກ່າວໄດ້ລະບຸວ່າ: ນັກຮຽນແຕ່ລະຄົນກ່ອນຈະຈົບຊັ້ນປະຖົມ, ຊັ້ນມັດທະຍົມ ແລະ ມະຫາວິທະຍາໄລຕ້ອງ ປູກຕົ້ນໄມ້ໃຫ້ໄດ້ຢ່າງໜ້ອຍ 10 ຕົ້ນ. ທ່ານ Gary Alejano ໃຫ້ຮູ້ວ່າ: ມີນັກຮຽນ ຈະຈົບຊັ້ນປະຖົມຫຼາຍກວ່າ 12 ລ້ານຄົນ, 5 ລ້ານຄົນ ຈະຈົບມັດທະຍົມ ແລະ 500.000 ຄົນຈະຈົບມະຫາວິທະຍາໄລໃນແຕ່ລະປີ, ຈະປູກຕົ້ນໄມ້ໄດ້ 175 ລ້ານຕົ້ນ. Alejano ໃຫ້ຮູ້ຕື່ມອີກວ່າ: ແຕ່ລະຮຸ່ນຂອງຄົນ ຟີລິບປິນ ຈະປູກຕົ້ນໄມ້ໄດ້ 525 ຕື້ຕົ້ນ.
