ລົດພວງປະທະກັບລົດໂດຍສານຢູ່ແມັກຊິໂກ ເສຍຊີວິດຫລາຍກວ່າ 21 ຄົນ
May 31, 2019 - 10:39 AM
ເຈົ້າໜ້າທີ່ແມັກຊິໂກ ລາຍງານວ່າ: ໄດ້ເກີດເຫດ ລົດພວງ ແລະ ລົດໂດຍສານ ຂອງ ຊາວຄຣິສ ທີ່ພວມກັບ ຈາກໂບດກາໂຕລິກແຫ່ງໜຶ່ງຕໍາກັນຢ່າງຮຸນແຮງເຮັດໃຫ້ ເກີດໄຟໄໝ້ ໃນວັນທີ 29 ພຶດ ສະພານີ້ ທີ່ພາກຕາເວັນອອກຂອງປະເທດ ສົ່ງຜົນໃຫ້ ມີຜູ້ເສຍຊີວິດຫລາຍກວ່າ 21 ຄົນ ແລະ ບາດເຈັບ 30 ຄົນ. ເຈົ້າໜ້າທີ່ປ້ອງກັນໄພພົນລະເຮືອນລາຍງານຕື່ມວ່າ: ຜູ້ ເສຍຊີວິດສ່ວນຫລາຍແມ່ນ ຊາວຄຣິສທີ່ມາຈາກຣັດເຊຍທາງພາກໃຕ້ຂອງແມັກຊິໂກ, ເຊິ່ງລົດໂດຍສານໄດ້ກັບມາຈາກການໄປສູດມົນ ຢູ່ໂບດແມ່ມາຣີແຫ່ງກົວດາລູບໃນນະຄອນ ຫລວງແມັກ ຊິໂກ. ຈາກການກວດກາທາງນິຕິເວດຢູ່ຈຸດເກີດເຫດ ພົບວ່າມີຜູ້ເສຍຊີວິດຄາທີ່ຢູ່ ໃນລົດໂດຍສານ 17 ຄົນ, ຢູ່ໃນລົດພວງ 2 ຄົນ ແລະ ຜູ້ ບາດເຈັບສາຫັດເສຍຊີວິດໃນເວລານໍາຕົວສົ່ງໂຮງໝໍອີກ ຈໍານວນຫລາຍ.
