ທີມຊາດບານເຕະລາວຊຸດໃຫຍ່ກຽມອຸ່ນເຄື່ອງກັບທີມສີລັງກາ, ກ່ອນລຸ່ຍຮອບຄັດເລືອກບານໂລກ 2022
May 28, 2019 - 10:39 AM
ໃນວັນທີ 27 ພຶດສະພານີ້, ທີ່ ສະຫະພັນບານເຕະແຫ່ງຊາດລາວ, ໄດ້ມີພິທີຖະແຫລງ ຂ່າວການແຂ່ງຂັນເຕະບານ ອຸ່ນເຄື່ອງລະຫວ່າງທີມຊາດລາວຊຸດໃຫຍ່ພົບກັບທີມຊາດສີລັງກາ, ໃນວັນທີ 28 ພຶດສະພານີ້, ທີ່ສະໜາມກິລາຫລັກ 16 ນະຄອນ ຫລວງວຽງຈັນ.
ທ່ານ ຊຸນດຣາມ ມຸຕີ ຄູຝຶກທີມຊາດລາວກ່າວວ່າ: ເກມອຸ່ນເຄື່ອງຄັ້ງນີ້ ຈະເປັນນັດທົດສອບຄວາມພ້ອມຂອງທີມພວກເຮົາກ່ອນການ ແຂ່ງຂັນບານໂລກ 2022 ຮອບຄັດເລືອກເຂດ ອາຊີ ກັບ ທີມຊາດບັງກາລາເດັດໃນ ຕົ້ນເດືອນມິຖຸນານີ້, ຂະນະທີ່ຄູຝຶກທີມຊາດສີລັງກາກໍກ່າວວ່າ: ພວກເຮົາກໍມີ ຄວາມພ້ອມເຊັ່ນກັນກັບທີມ ຊາດລາວ ທີ່ຈະແຂ່ງຂັນບານ ໂລກຮອບຄັດເລືອກ, ເຊິ່ງຈະພົບກັບທີມຊາດມາເກົາ./.
