ສີລັງກາອະໄພຍະໂທດໃຫ້ນັກໂທດ 700 ກວ່າຄົນໃນວັນວິສາຂະບູຊາ
May 20, 2019 - 10:12 AM
ຕາມແຫລ່ງຂ່າວຕ່າງ ປະເທດລາຍງານວ່າ: ປະທາ ນາທິບໍດີສີລັງກາ ທ່ານສິຣິ ເສນາ ໄດ້ກ່າວວ່າ ລັດຖະບານ ຈະໃຫ້ເງິນຊ່ວຍເຫລືອນັກໂທດ ທີ່ໄດ້ຮັບອະໄພຍະໂທດ ໃນວັນວິສາຂະບູຊາໂລກເພື່ອໃຫ້ສາມາດກັບໄປໃຊ້ຊີວິດ ໃນສັງຄົມໄດ້ອີກຄັ້ງໜຶ່ງ, ປັດຈຸບັນ, ຄ້າຍຄຸມຂັງ ໃນສີລັງ ກາສາມາດຮອງຮັບນັກ ໂທດ ໄດ້ພຽງ 11 ພັນຄົນ ແຕ່ຕົວ ເລກນັກໂທດໃນປັດຈຸບັນມີ ຫລາຍກວ່າ 24 ພັນຄົນ. ເຈົ້າ ໜ້າທີ່ໃຫ້ຮູ້ວ່າ: ນັກໂທດທີ່ ໄດ້ຮັບການອະໄພຍະໂທດໃນມື້ດັ່ງກ່າວເປັນນັກໂທດທີ່ມີ ໂທດໄລຍະສັ້ນມີທັງໝົດ 762 ຄົນ.
ນອກນີ້ສີລັງກາໄດ້ປະກາດເປັນວັນພັກໃນທົ່ວປະເທດສອງມື້ ເນື່ອງໃນວັນວິສາ ຂະບູຊາ ເພາະປະຊາກອນ ສ່ວນຫລາຍນັບຖືສາສະໜາ ພຸດ ແລະ ກຸ່ມນໍາຊາວພຸດທະສາສະໜາໄດ້ຮຽກຮ້ອງປະ ທານາທິບໍດີໃຫ້ອະໄພຍະໂທດເປັນກໍລະນີພິເສດ./.
