ເຟເດີເຣີ ຊະນະ ເມດເວເດຟ ຜ່ານເຂົ້າຮອບ 8 ຄົນ ສ່ວນ ອິສເນີ ຜ່ານຮອບຮອງ ເທັນນິສໄມອາມີ່ ໂອເພັນ

       ຜົນ​ການ​ແຂ່ງຂັນ​ເທັນ​ນິສ​ເອທີ​ພີ ທົວ 1000 ລາຍການ ​ໄມ​ອາ​ມີ່ ​ໂອ​ເພັນ 2019 ຊີງ​ເງິນ​ລາງວັນ 9.314.875 ​ໂດ​ລາ​ສະຫະລັດ ຢູ່​ເມືອງ​ໄມ​ອາ​ມີ່ ລັດ​ຟໍຣິດາ ສະຫະລັດ​ອາ​ເມ​ລິ​ກາ ​ໃນ​ຄືນ​ວັນ​ທີ 27 ມີນາ​ນີ້ ຕາມ​ເວລາ​ຢູ່​ລາວ ​ເປັນ​ການ​ແຂ່ງຂັນ​ປະ​ເພດ​ຊາຍ​ດ່ຽວ ຮອບ​ສີ່ ​ແລະ ຮອບ​ກ່ອນ​ຮອງ​ຊະນະ​ເລີດ.

       ປະ​ເພດ​ຊາຍ​ດ່ຽວ ຮອບ​ສີ່: ​ໂຣ​ເຈີ ​ເຟ​ເດ​ເຣີ (ມື 4, ສະ​ວິດ) ຊະນະ ດາ​ນຽວ ​ເມດ​ເວ​ເດ​ຟ (ມື 13, ຣັດ​ເຊຍ) 2-0 ​ເຊັດ 6-4, 6-2 ​ເຟ​ເດີ​ເຣີ ຜ່ານ​ເຂົ້າສູ່​ຮອບ​ກ່ອນ​ຮອງ​ຊະນະ​ເລີດ ​ໄປ​ພົບ​ກັບ ​ເຄວິນ ​ແອນ​ເດິ​ສັນ (ມື 6, ອາ​ຟຣິກາ​ໃຕ້).

       ສ່ວນ​ປະ​ເພດ​ຊາຍ​ດ່ຽວ ຮອບ​ກ່ອນ​ຮອງ​ຊະນະ​ເລີດ: ຈອນ ອິສ​ເນີ (ມື 7, ອາ​ເມ​ລິ​ກາ) ຊະນະ ​ໂຣ​ແບ​ໂຕ ​ເບົາ​ຕິ​ສຕາ ອາ​ກຸດ (ມື 22, ສະ​ເປ​ນ) 2-0 ​ເຊັດ 7-6(7-1), 7-6(7-5). ​ເຟລິກ ອູ​ເກີ-ອາ​ເລຍ​​ເຊມ (ການ​າດາ) ຊະນະ ບໍ​ນ່າ ​ໂຄຣິດ (​ໂຄຣ​ເອ​ເຊຍ, ມື 11) 2-0 ​ເຊັດ 7-6(7-3), 6-2.