ຄໍາມ່ວນ ເຜີຍແຜ່ກົດໝາຍວ່າດ້ວຍສິລະປະການສະແດງ
October 24, 2018 - 6:11 PM
ເມື່ອບໍ່ດົນມານີ້, ພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງຄໍາມ່ວນ ໄດ້ຈັດຕັ້ງການເຜີຍແຜ່ກົດໝາຍວ່າດ້ວຍສິລະປະການສະແດງ ໃຫ້ພະນັກງານວິຊາການ, ຫົວໜ່ວຍທຸລະກິດ, ຜູ້ປະກອບການດ້ານສິລະປະວັນນະຄະດີຕ່າງໆ ໄດ້ເຂົ້າໃຈເລິກເຊິ່ງກ່ຽວກັບນິຕິກໍາ ຫລື ລະບຽບກົດໝາຍ, ຫລັກການເພື່ອເປັນບ່ອນອີງຢ່າງຖືກຕ້ອງໃນການຈັດຕັ້ງປະຕິບັດວຽກງານດັ່ງກ່າວ.
ໂອກາດນີ້, ກໍໄດ້ຜ່ານລັດຖະດໍາລັດຂອງປະທານປະເທດ ແຫ່ງ ສປປ ລາວ ວ່າດ້ວຍການປະກາດໃຊ້ກົດໝາຍວ່າດ້ວຍສິລະປະການສະແດງ, ມະຕິຂອງກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍດັ່ງກ່າວ, ເຊິ່ງປະກອບມີທັງໝົດ 10 ພາກ, 74 ມາດຕາ ທີ່ໄດ້ລະບຸເຖິງຄວາມໝາຍຄວາມສໍາຄັນ ແລະ ຂໍ້ກໍານົດ, ຂໍ້ຫ້າມຕ່າງໆ ເພື່ອແນໃສ່ຕ້ານ ແລະ ສະກັດກັ້ນປາກົດການຫຍໍ້ທໍ້ທີ່ຕິດພັນກັບຂົງເຂດ ຖວທ ໃຫ້ໄດ້ຮັບການແກ້ໄຂໂດຍສອດຄ່ອງກັບລະບຽບກົດໝາຍ.
