ເນມາ ຂຶ້ນແທ່ນນັກເຕະບຣາຊິລ ຍິງຫລາຍສຸດໃນ ແຊມປ້ຽນລີກ
October 4, 2018 - 5:54 PM
ເນມາ ກອງໜ້າຂອງ ປາຣີສ ແຊງແຊກແມງ ຍອດສະໂມສອນບານເຕະແຫ່ງ ລີກ ເອິງ ຝຣັ່ງ ກ້າວຂຶ້ນມາເປັນຜູ້ຫລິ້ນຊາວບຣາຊິລທີ່ຍິງປະຕູໃນ ຢູຟາ ແຊມປ້ຽນລີກ ຫລາຍທີ່ສຸດແລ້ວ ໃນຈຳນວນ 30 ລູກ ເທົ່າກັບ ກາກ້າ ອະດີດຍອດເພລເມກເກີຂອງ ເອຊີ ມິລານ.
ດາວເຕະທີມຊາດບຣາຊິລໄວ 26 ປີ ກ້າວຂຶ້ນມາຢູ່ເບີໜຶ່ງຮ່ວມກັບ ກາກ້າ ຫລັງຈາກຍິງແຮດທຣິກຊ່ວຍ ເປແອສເຊ ເປີດບ້ານເອົາຊະນະ ເຊີເວນາ ຊາເວຊດ້າ 6-1 ໃນເກມຮອບແບ່ງກຸ່ມ ກຸ່ມ ຊີ ນັດສອງ ໃນວັນທີ 3 ຕຸລາຜ່ານມາ ຮອງລົງມາຄື ຣິວັລໂດ້ ຕຳນານ ບາເຊໂລນາ ທີ່ຍິງໄປ 27 ປະຕູ.
