ຍາມຝັ່ງອີຕາລີຊ່ວຍຜູ້ອົບພະຍົບ 6.000 ຄົນຈາກທະເລເມດິເຕຣາເນ

      ​ໂຣມ 7 ພຶດສະພາ: ຜູ້​ອົບ​ພະຍົບປະມານ 6.000 ຄົນ ທີ່​ຫວັງ​ເດີນທາງ​ມາ​ເອີຣົບ​ໄດ້​ຮັບ​ການ​ຊ່ວຍ​ເຫລືອ​ທາງ​ທະ​ເລ​ເມ​ດິ​ເຕຣາ​ເນ​ໃນ​ວັນ​ທີ 5 ​ແລະ 6 ພຶດສະພາ ຈາກ​ການ​ປະສານ​ການ​ຮ່ວມ​ມື​ຂອງ​ໜ່ວຍ​ຍາມ​ຝັ່ງ​ອີ​ຕາ​ລີ.

ໜ່ວຍ​ຍາມ​ຝັ່ງ​ຖະ​ແຫລ​ງວ່າ: ກອງທັບ​ເຮືອ, ໜ່ວຍ​ຍາມ​ຝັ່ງ ​ແລະ ໜ່ວຍ​ຟຣອນ​ເອັກ​ຂອງ​ສະຫະພາບ​ເອີຣົບ (EU) ລວມທັງ​ກຸ່ມທີ່​ຖືກ​ນຳ​ຕົວ​ຂຶ້ນຝັ່ງ​ທາງ​ອີ​ຕາ​ລີ. ຂະນະ​ທີ່​ກຸ່ມ​ແພດ​ບໍ່​ມີ​ຊາຍ​ແດນ​ນຳ​ເອົາ​ຜູ້​ອົບ​ພະຍົບທາງ​ເຮືອ 730 ຄົນ​ເຂົ້າມາ​ນຳ. ການ​ກູ້​ໄພ​ມີ​ຂຶ້ນພາຍ​ຫລັງ​ຜູ້​ອົບ​ພະຍົບປະມານ 3.000 ຄົນ ​ຢູ່​ເຮືອ​ຢາງ ​ແລະ ​ເຮືອ​ເກົ່າ​ທີ່​ອອກ​ເດີນທາງ​ມາ​ຈາກ​ລີ​ບີ ​ເພື່ອ​ມຸ່ງ​ໜ້າ​​ເຂົ້າອີ​ຕາ​ລີ ​ໂດຍ​ໄດ້​ທະຍອຍ​ຊ່ວຍ​ເຫລື​ອ​ເອົາ​ພວກ​ເຂົາ​ມາ​ທາງ​ຝັ່ງ​ແລ້ວ. ອີ​ຕາ​ລີ ​ແລະ ລີ​ບີ​ໄດ້​ຮັດ​ແໜ້ນ​ການ​ຮ່ວມ​ມື​ກັນ​ຫລາຍ​ຂຶ້ນ​ໃນ​ໄລຍະ​ມໍ່ໆ​ມາ​ນີ້ ​ເພື່ອ​ຫລຸດ​ຜູ້​ເສຍ​ຊີວິດ​ຈາກ​ຄວາມ​ພະຍາຍາມ​ສ່ຽງ​ອັນຕະລາຍ​ອົບ​ພະຍົບຂ້າມ​ທະ​ເລ​ເມ​ດິ​ເຕຣາ​ເນ.