ລະເບີດໃນວັນເລືອກຕັ້ງປາກິດສະຖານ ມີຜູ້ເສຍຊີວິດຢ່າງໜ້ອຍ 28 ຄົນ
ສະຖານີໂທລະພາບທ້ອງຖິ່ນຂອງປາກິດສະຖານລາຍງານວ່າ: ເກີດລະເບີດໃນເມືອງເດວຕາ ທາງຕາເວັນຕົກສຽງໃຕ້ຂອງປາກິດສະຖານ ມີຜູ້ເສຍຊີວິດຢ່າງໜ້ອຍ 28 ຄົນ, ບາດເຈັບ 35 ຄົນ. ຂະນະທີ່ປາກິດສະຖານກຳລັງຈັດການເລືອກຕັ້ງທົ່ວໄປ.
ລາຍງານລະບຸວ່າ: ມືລະເບີດພະຍາຍາມບຸກເຂົ້າໄປໜ່ວຍເລືອກຕັ້ງ, ຂະນະທີ່ຕຳຫລວດພະຍາຍາມສະກັດໄວ້ ຈາກນັ້ນມືລະເບີດໄດ້ລະເບີດຕົວເອງ. ເຖິງຢ່າງໃດກໍຕາມ, ປັດຈຸບັນນີ້ຍັງບໍ່ມີກຸ່າໃດອອກມາອ້າງວ່າຢູ່ເບື້ອງຫລັງເຫດລະເບີດຄັ້ງນີ້, ຜ່ານມາແຂວງບາລູຈິສະຖານເກີດເຫດລະເບີດຫລາຍເທື່ອໃນໄລຍະຂອງການປຸກລະດົມຫາສຽງເລືອກຕັ້ງຢ່າງດຸເດືອດ ລວມທັງເຫດລະເບີດທີ່ເປັນຝີມືຂອງກຸ່ມລັດອິສລາມ ຫລື IS ໃນເດືອນດຽວກັນນີ້ທີ່ມີຜູ້ເສຍຊີວິດເຖິງ 153 ຄົນ ຖືເປັນເຫດໂຈມຕີຂ້າຕົວຕາຍຄັ້ງຮ້າຍແຮງທີ່ສຸດໃນປາກິດສະຖານ.
ເຖິງຢ່າງໃດກໍຕາມ, ກອງທັບປາກິດສະຖານວາງກຳລັງກວ່າ 370.000 ຄົນທົ່ວປະເທດໃນການຮັກສາຄວາມປອດໄພໃນການເລືອກຕັ້ງ ນອກເໜືອຈາກກຳລັງຕຳຫລວດອີກ 450.000 ຄົນ.
