ທ່ານ ທຣຳ ບໍ່ລົງນາມຮັບຮອງ ຖະແຫລງການ G7 ຢູ່ການາດາ

ສຳນັກ​ຂ່າວ​ຕ່າງປະ​ເທດລາຍ​ງານ​ວ່າ: ກອງ​ປະຊຸມ​ສຸດ​ຍອດ​ຜູ້ນຳ​ກຸ່ມ​ປະ​ເທດ​ອຸດສາຫະກຳ​ຊັ້ນນຳ​ຂອງ​ໂລກ 7 ​ແຫ່ງ ຫລື G7 ທີ່​ເມືອງ​ລາ ມັລ​ເບ ທາງ​ຕາ​ເວັນ​ອອກ​ຂອງ​ກາ​ນາ​ດາ ​ເປັນ​ເວລາ 2 ວັນ ສິ້ນສຸດ​ໃນ​ວັນ​ທີ 9 ມິຖຸນາ​ນີ ​ໂດຍ​ອາ​ເມ​ລິ​ກາ​ຖອນ​ຕົວ​ຈາກ​ການ​ສະໜັບສະໜູນ​ປະລິນຍາ​ຮ່ວມ​ຂອງ​ກອງ​ປະຊຸມ​ຄັ້ງນີ້ ​ເຊິ່ງປະທານາທິບໍດີ ​ໂດ​ນັນ ທຣຳ ກ່າວ​ເຖິງ​ເລື່ອງ​ທີ່​ເກີດ​ຂຶ້ນ ວ່າ​ເປັນ​ເພາະ​ນາຍົກລັດຖະມົນຕີ ຈັສຕິນ ທຣູ​ໂດ ບໍ່​ຊື່ສັດ ​ແລະ ​ອ່ອນ​ແອ ດ້ວຍ​ການ​ຖະ​ແຫລ​ງຂ່າວ​ລັບຫລັງ​ທ່ານ​ວ່າ: “ກຳ​ແພງ​ພາສີ​ຂອງ​ອາ​ເມ​ລິ​ກາ​ຄື​ການ​ດູ​ໝິ່ນ” ​ແລະ ອີກ​ທັງ​ຍັງ​ຕຳ​ໜິວ່າ​ທ່ານ “ບໍ່​ໃຫ້​ກຽດ” ອີກ​ຝ່າຍ.

President Trump calls Canadian Prime Minister Justin Trudeau "very dishonest and weak," accusing him of making "false statements" and says the US won't sign the G7 joint statement https://t.co/xOAwJabwxj pic.twitter.com/2RNHXAnBik

— CNN International (@cnni) June 10, 2018

ຜູ້ນຳ​ອາ​ເມ​ລິ​ກາ​ກ່າວ​ອີກ​ວ່າ: ກຳ​ແພງ​ພາສີ​ເຫລັກ ​ແລະ ອາ​ລູມີ​ນຽມ​ຂອງ​ອາ​ເມ​ລິ​ກາ ຄື​ມາດ​ຕະການ​ຕອບ​ໂຕ້​ການ​ທີ່​ລັດຖະບານ​ອອດ​ຕາວາ​ເກັບ​ພາສີ​ຜະລິດ​ຕະພັນ​ນົມ​ຂອງ​ອາ​ເມ​ລິ​ກາ​ສູງ​ເຖິງ 270% ​ເຊິ່ງ​ເປັນ​ການ​ເອົາ​ປຽບ​ກະສິກອນ​ຂອງ​ອາ​ເມ​ລິ​ກາ ​ແລ​ະ ທ່ານ ທຣຳ ຍັງ​ກ່າວ​ວ່າ: ທ່ານ​ກຳລັງ​ພິຈາລະນາ​ຕັ້ງກຳ​ແພງ​ພາສີ​ລົດຍົນ ​ເຊິ່ງ​ຫລັ່ງ​ຫລັງ​ເຂົ້າສູ່​ຕະຫລາດ​ຂອງ​ອາ​ເມ​ລິ​ກາ​ຢ່າງ​ເອົາ​ປຽບ.

​ເຖິງ​ຢ່າງ​ໃດ​ກໍ​ຕາມ, ວາລະ​ສຳຄັນ​ຂອງ​ປະລິນຍາ​ກອງ​ປະຊຸມ G7 ຄັ້ງນີ້ ຍັງ​ລະບຸ​ວ່າ: ຜູ້ນຳ​ຂອງ​ອາ​ເມ​ລິ​ກາ, ກາ​ນາ​ດາ, ສະຫະຣາຊະ​ອານາຈັກ, ຝຣັ່ງ, ອີ​ຕາ​ລີ, ​ເຢຍລະ​ມັນ ​ແລະ ຍີ່ປຸ່ນ ​ເຫັນ​ພ້ອມ​ເຖິງ​ຄວາມ​ຈຳ​ເປັນ​ຂອງ​ການ​ຂັບ​ເຄື່ອນ​ນະ​ໂຍບາຍ​ການ​ຄ້າ​ທີ່ “​ເສລີ ຍຸຕິ​ທຳ ​ແລະ ​ເພື່ອ​ຜົນ​ປະ​ໂຫຍ​ດຮ່ວມ​ກັນ” ​ແລະ ​ເນັ້ນ​ເຖິງ​ຄວາມ​ສຳຄັນ​ຂອງ​ການ​ຕໍ່ຕ້ານ​ການ​ປົກ​ປ້ອງ​ທາງ​ການ​ຄ້າ, ການ​ຫລຸດ​ກຳ​ແພງ​ພາສີ ​ແລະ ມາດ​ຕະການ​ອຸດ​ໜູນ​ຢ່າງ​ບໍ່​ເປັນ​ທຳ.