ອາເມລິກາຂໍໃຫ້ຈີນຫລຸດພາສີລົດຍົນ ເພີ່ມນຳເຂົ້າເຊມິຄອນດັກເຕີ

ລັດຖະບານ​ວໍ​ຊິງ​ຕັນ​ຮຽກຮ້ອງ​ລັດຖະບານ​ປັກ​ກິ່ງຫລຸດ​ພາສີ​ລົດຍົນ ​ແລະ ​ເພີ່ມ​ການ​ນຳ​ເຂົ້າ​ເຊ​ມິ​ຄອນ​ດັກ​ເຕີ​ຈາກ​ອາ​ເມ​ລິ​ກາ ​ເພື່ອ​ຫລຸດ​ມູນ​ຄ່າ​ຂາດດູນ​ການ​ຄ້າ​ຂອງ​ອາ​ເມ​ລິ​ກາ​ຕໍ່​ຈີນ. ຕາມ​ການ​ເປີດ​ເຜີຍ​ຂອງ​ເດິ ວອລ ສຕຣີທ ​ເຈີ​ນັລ.

US and China in trade talks, involving top officials. U.S. wants cuts in Chinese car tariffs, increased Chinese purchase of U.S. semiconductors and Chinese financial sector liberalization, among other items. with @lingling_wei https://t.co/9ewQHzHzSm via @WSJ

— bob davis (@bobdavis187) March 25, 2018

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 25 ມີນາ​ ​ໂດຍ​ອ້າງ​ຈາກ​ລາຍ​ງານ​ຂອງ​ໜັງສືພິມ ​ເດິ ວອລ ສຕຣີທ ​ເຈີ​ນັລ ສະບັບ​ວັນ​ທີ 25 ມີນາ​ວ່າ: ທ່ານ ສຕີ​ຟ ມາ​ນູຊິນ ລັດຖະມົນຕີ​ກະຊວງ​ການ​ເງິນ​ອາ​ເມ​ລິ​ກາ ​ແລະ ທ່ານ ​ໂຣ​ເບິດ ​ໄລ​ທິ​ເຊີ ຜູ້​ແທນ​ເຈລະຈາ​ການ​ຄ້າ​ຂອງ​ລັດຖະບານ​ວໍ​ຊິງ​ຕັນ ຮ່ວມ​ກັນ​ສົ່ງ​ໜັງສື​ເຖິງ​ທ່ານ ຫລິວ ​ເຮີ ຮອງ​ນາຍົກລັດຖະມົນຕີຈີນ ​ແລະ ທີ່​ປຶກສາ​ດ້ານ​ນະ​ໂຍບາຍ​ເສດຖະກິດ​ຂອງ​ປະທານ​ປະ​ເທດ ສີ ຈິ້ນຜິ​ງ ​ໃນ​ອາທິດ​ຜ່ານ​ມາ ຮຽກຮ້ອງ​ຈີນ​ຫລຸດ​ກຳ​ແພງ​ພາສີ​ລົດຍົນ​ຂອງ​ອາ​ເມ​ລິ​ກາ ​ເພື່ອ​ຫລຸດ​ການ​ຂາດດູນ​ການ​ຄ້າ​ໃຫ້​ແກ່​ອາ​ເມ​ລິ​ກາ.

On Tariffs' effect on the economy Secretary Mnuchin says: I don't expect to see a big impact on the economy, we've been very careful on how we're doing this and what we're doing. I think it's long-term very good for the economy.

— Fox News Sunday (@FoxNewsSunday) March 25, 2018

ຂະນະ​ດຽວ​ກັນ, ​ເຈົ້າໜ້າ​ທີ່​ລະດັບ​ສູງ​ດ້ານ​ນະ​ໂຍບາຍ​ການ​ຄ້າ​ຂອງ​ລັດຖະບານ​ວໍ​ຊິງ​ຕັນ​ທັງ​ສອງ​ທ່ານ​ຍັງ​ສະ​ເໜີ​ໃຫ້​ຈີນ​ເພີ່ມ​ປະລິມານ​ການ​ນຳ​ເຂົ້າ​ເຊ​ມິ​ຄອນ​ດັກ​ເຕີ​ຈາກ​ອາ​ເມ​ລິ​ກາ ​ແລະ ຂະຫຍາຍ​ໂອກາດ​ໃນ​ການ​ໃຫ້​ນັກທຸລະກິດ​ຂອງ​ອາ​ເມ​ລິ​ກາ​ໃນ​ການ​ເຂົ້າສູ່​ຂະ​ແໜງ​ການ​ເງິນ​ຂອງ​ຈີນ, ​ເຖິງ​ວ່າ​ຍັງ​ບໍ່​ຈະ​ແຈ້ງວ່າ: ລັດຖະບານ​ປັກ​ກິ່ງ​ມີ​ທ່າ​ທີ​ຕໍ່​ຈົດໝາຍ​ສະບັບ​ດັ່ງກ່າວ​ແນວ​ໃດ, ​ແຕ່​ຮອງ​ນາຍົກລັດຖະມົນຕີຈີນກ່າວ​ທ່ານ ມາ​ນູຊິນ ຜ່ານ​ທາງ​ໂທລະສັບ​ວ່າ: ມາດ​ຕະການ​ຂຶ້ນພາສີ​ຂອງ​ອາ​ເມ​ລິ​ກາ​ຕໍ່​ຈີນ ຈະ​ສົ່ງ​ຜົນ​ກະທົບ​ຕໍ່​ສິນຄ້າ 1.300 ລາຍການ ຄິດ​ເປັນ​​ເງິນ​ອາດ​ສູງ​ເຖິງ 60.000 ລ້ານ​ໂດ​ລາ​ສະຫະລັດ ສະ​ແດງ​ໃຫ້​ເຫັນ​ວ່າ​ລັດຖະບານ​ວໍ​ຊິງ​ຕັນ​ບໍ່​ເຄົາລົບ​ກົດ​ການ​ຄ້າ​ລະຫວ່າງປະ​ເທດ ​ແລະ ຈີນ​ຈະ​ປົກ​ປ້ອງ​ຜົນ​ປະ​ໂຫຍ​ດຂອງ​ຕົນ​ເອງ.