ຄິສໄຊຣ ເພລອອຟ ແຊ້ມໂຊນີ ໂອເພັນ

ການ​ແຂ່ງຂັນ​ກ໊ອຟພີ​ຈີ​ເອ ທົວ ລາຍການ ​ໂຊ​ນີ ​ໂອ​ເພັນ ຊິງ​ເງິນ​ລາງວັນ​ລວມ 6,2 ລ້ານ​ໂດ​ລາ​ສະຫະລັດ ທີ່​ສະໜາມ​ໄວ​ອາ​ເລ ຄັນທຣີ ຄລັບ ພາຣ 70 ​ໃນ​ໂຮ​ໂນ​ລູລູ ​ເກາະ​ຮາ​ວາຍ ສະຫະລັດ​ອາ​ເມ​ລິ​ກາ, ຫລັງ​ຈົບ​ຮອບ​ສຸດ​ທ້າຍ ​ເຈ​ມ ຮານ ນັກກ໊ອຟຊາວ​ອາ​ເມ​ລິ​ກາ ​ເລັ່ງ​ເຄື່ອງ​ວັນ​ສຸດ​ທ້າຍ​ຕີ​ໄດ້ 8 ອັນ​ເດີ​ພາຣ 62 ມີ​ຄະ​ແນນ​ລວມ 17 ອັນ​ເດີ​ພາຣ 263 ຈົບ​ເທົ່າ​ກັບ ​ແພດ​ຕັນ ຄິສ​ໄຊຣ ​ເພື່ອນ​ຮ່ວມ​ປະ​ເທດ​ທີ່​ວັນ​ສຸດ​ທ້າຍ​ຕີ 2 ອັນ​ເດີ​ພາຣ 68 ​ເຮັດ​ໃຫ້​ທັງ​ສອງ​ຕ້ອງ​ແຂ່ງ​ເພ​ລອອຟຕັດສິນ​ແຊ້ມທີ່​ຍືດ​ເຍື້ອ​ໄປ​ເຖິງ 6 ຫລຸມ ​ແລະ ​ເປັນ ຄິສ​ໄຊ ​ເຊ​ຟພາ ​ເອົາ​ຊະນະ​ຄວ້າ​ແຊ້ມລາຍການ​ທີ 2 ​ໃນ​ລະດູ​ການ​ນີ້​ໄດ້​ສຳ​ເລັດ.

ສ່ວນ ທອມ ​ໂຮຈ ຜູ້ນຳ​ຮອບ​ຜ່ານ​ມາ ຕີ​ອີ​ເວນ​ພາຣ 70 ຫລຸດ​ມາ​ຈົບ​ທີ່ 3 ຄະ​ແນນ​ລວມ 16 ອັນ​ເດີ​ພາຣ 264. ຂະນະ​ທີ່ ຈັສຕິນ ​ໂທ​ມັສ ​ເຈົ້າຂອງ​ແຊ້ມ​ເກົ່າ ຄະ​ແນນ​ລວມ 12 ອັນ​ເດີ​ພາຣ 268 ຈົບ​ອັນ​ດັບ 14 ​ແລະ ຈໍ​ແດນ ສະ​ປີ ອະດີດ​ມື 1 ຂອງ​ໂລກ ​ແລະ ​ແຊ້ມ​ເມ​ເຈີ 3 ລາຍການ ຄະ​ແນນ​ລວມ 11 ອັນ​ເດີ​ພາຣ 269 ທີ 18.