ປະກາດນາຍຕຳຫລວດຂັ້ນສູງອອກພັກການ-ຮັບອຸດໜູນບຳນານ

ວັນທີ 2 ກັນຍາ 2025 ກະຊວງປ້ອງກັນຄວາມສະຫງົບ ໄດ້ຈັດພິທີປະກາດນາຍຕຳຫລວດຂັ້ນສູງອອກພັກການ-ຮັບອຸດໜູນບຳນານ ໂດຍການເປັນກຽດເຂົ້າຮ່ວມຂອງ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ປ້ອງກັນຄວາມສະຫງົບ.

ປອ ນາງ ວິໄລ ພິລາວົງ ຮອງຫົວໜ້າກົມຄຸ້ມຄອງ ພະນັກງານ ຄະນະຈັດຕັ້ງສູນກາງພັກໄດ້ຜ່ານມະຕິຕົກລົງຂອງກົມການເມືອງສູນກາງພັກ ແລະ ດຳລັດຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງ ກະຊວງ ປກສ ພັກການຮັບອຸດໜູນບຳນານ ໃນນີ້ໄດ້ ອະນຸມັດ ໃຫ້ ພົທ ກົງທອງ ພົງວິຈິດ ກຳມະການສູງກາງພັກ ຮອງລັດຖະມົນຕີ ກະຊວງ ປກສ ພັກການຮັບອຸດໜູນບຳນານ.