ແອຕເລຕິໂກ ມາດຣິດ ຍື່ນຄຳຂາດ ບາເຊໂລນາ ຊື້ ກຣີດມັນ ຕ້ອງມີ ບີດັລ ພ້ອມ
December 27, 2017 - 5:52 PM
ແອຕເລຕິໂກ ມາດຣິດ ຕົກເປັນຂ່າວຍື່ນຄຳຂາດ ບາເຊໂລນາ ຕ້ອງມີ ອາເລັກ ບີດັລ ເຂົ້າເປັນສ່ວນໜຶ່ງໃນຂໍ້ສະເໜີ ຖ້າຫວັງຈະຄວ້າ ອອງຕວນ ກຣີດມັນ ກອງໜ້າຝຣັ່ງ ໄປຮ່ວມທີມ, ຫລັງ ເບເຊໂລນາ ສົນໃຈຢາກໄດ້ ກຣີດມັນ ມາດົນແລ້ວ.
ບາເຊໂລນາ ຕົກເປັນຂ່າວວ່າຢາກໄດ້ ກຣີດມັນ ມາຮ່ວມທີມດົນແລ້ວ ເຖິງຂັ້ນເຮັດໃຫ້ ແອຕເລຕິໂກ ມາດຣິດ ຂູ່ວ່າຈະຍື່ນເລື່ອງຮ້ອງຮຽນກໍລະນີທີ່ ບາເຊໂລນາ ລັກຕິດຕໍ່ກັບນັກເຕະຂອງພວກເຂົາໂດຍບໍ່ໄດ້ຮັບອະນຸຍາດ.
ເຖິງຢ່າງໃດກໍຕາມ, ຫລ້າສຸດມີລາຍງານວ່າ: ທັງ 2 ຝ່າຍອາດຈະສາມາດຫາທາງຕົກລົງກັນໄດ້ ໂດຍ ແອຕເລຕິໂກ ມາດຣິດ ພ້ອມຈະປ່ອຍດາວຍິງທີມຊາດຝຣັ່ງໃຫ້, ຖ້າ ບາເຊໂລນາ ໄດ້ຍື່ນຂໍ້ສະເໜີທີ່ມີ ບີດັລ ລວມຢູ່ໃນນັ້ນ.
